第16章：亲如手足（下）
【Will视角】
Jerry锺意整蛊我，同埋见到我哑口无言个样。但今次我觉得佢有唔系完全为咗tease我，或者，佢一日里面，都有啲时候系真心挂住我嘅。
「Sorry，要你嚟医院睇我。」Jerry见我冇乜表情，可能以为我怪责紧佢：「我原本打算同Sunny食完饭就返hall等你返嚟，估唔到居然会发生啲咁嘅事。」
我摇摇头。虽然自知同佢讲完都唔会有分别，但始终都要讲：「你以为自己系superhero咩？呢啲时候紧系报警啦，咁危险，随时连命都无呀。」
Jerry都知道我关心佢，所以也不好反驳，好似小学生咁乖乖等校长训话。唉，讲真，我又点会嬲佢呢？佢最唔锺意就系做花生友，挺身而出先系佢会做嘅事情。我迳自打开旁边的行李箱，从中拿出一个胶袋，再把胶袋抛比佢。
「咦？Tesco？唔通......？」Jerry打开胶袋，见到里面有橙色、红色、绿色包装，正是佢话想食嘅熊仔软糖。
Jerry脸露喜色：「我喺电话随便讲，估不到你真系帮我买咗返来，好warm呀！」兴奋过後，佢却没有即时打开，净系隔住个胶袋揿啲七彩颜色的软糖。
我奇怪问：「做咩眼甘甘咁呀？我仲以为你会即刻打开来食添。」
Jerry向我挑眉说：「我唔舍得，哈哈，未食就已经觉得好sweet喇。」
我不由翻了一个白眼。企喺床尾嘅Sunny，则傻头傻脑地望住我地两个微笑。
「唔好意思。」护士冷不防地从後突然出现，打破了逐渐变得奇怪的气氛：「我要同病人洗伤口。」
「咳、咳。」Sunny趁呢个机会说：「其实都夜喇，我都返去先，Jerry你take care啦。」
「Okay，」Jerry恳切地望住我：「Will你呢？你可唔可以陪多我一阵呀？」
「嗯，得啦。」
姑娘拉埋围住张床的隔帘，登时自成一个空间。
娇滴滴嘅护士，睇嚟毕咗业无耐，见到牛高马大嘅Jerry，神态有啲拘束。「呢、呢位先生，你除咗件衫先，然後我会帮你洗伤口。」
「？要除衫?？」Jerry反应错愕得有点夸张。
我也忍不住暗自偷笑：「你都会怕羞?？」
「先生，清洁伤口好重要?，希望你唔好介意。」青涩的护士连忙解释说。
「点会介意呢？有护士姐姐帮我洗伤口。」
我：「......」
上一刻仲系惊讶，下一刻已经完全接受，Jerry态度转变的速度令人好难跟得上。
未等护士再讲嘢，Jerry已飞快地解开几粒衫楼，乾乾脆脆地除咗件病人衫。唔好话其他人，即使系我呢个做开gym的人，每次见到Jerry又壮又厚的身材都不禁莞尔。加上Jerry的招牌明星笑容，护士姐姐恍如未见过世面般，首先呆咗两秒，耳仔瞬间由粉红变成通红。
「唔该姑娘。」大老爷Jerry连语气都坦荡得令人无语。
「先生...... 宜家会帮你抹一抹身。你唔好周围郁，训低就得?啦。」
大大小小的瘀痕和伤口分散在Jerry身上，看在眼内，我心里不其然一酸。
「Will，你瘦咗。你喺英国无食饭咩？」Jerry突然Jerry则嘴角微笑、含情脉脉地望住我说。
我没有直接回答：「不过你又大只咗喎。我唔系度嘅时候，你一定好勤力做gym啦。」
作为回应，Jerry顽皮地震一震佢嗰两块方形胸肌。恰巧，护士刚准备喺胸肌附近抹身，手下的「山谷」突然震动，护士马上吓了一跳。
「唔好整蛊人啦，衰仔。」口里虽然系咁讲，但见到护士受惊个样，我心里都觉得好好笑。
「Sorry呀姑娘，我唔系特登?。」Jerry忽然伸手拖住我，温文地向护士讲：「我好耐无见佢，I really miss him。」
语气温柔得好似求人原谅咁，护士都不禁愣怔。佢目瞪口呆地望我，然後望Jerry，最後视线停留在我地互握的双手。
我恨不得马上松手，但Jerry偏偏依然紧握住我。此情此景，我觉得我有责任澄清：「今日你发生咩事呀？系咪比人扑头扑到傻咗啊？」
「呢位先生，」护士姐姐战战兢兢地插嘴说：「我、我唔知道你原来系......家属，咁你今晚会唔会喺度过夜陪病人呀？」
？家属？我几时变咗家属?？天呀，系咪有咩误会啊？
「唔使啦，你一落机就赶过来，今晚休息好过啦。」Jerry完全无视我嘅反应，转头摇住我只手同我说：「同埋呢，我换咗新床单，你返到去就好好训一觉啦，我会照顾自己?喇。」
我一阵目眩，今次水洗都唔清喇。