究竟乜嘢系爱情？
我同前任女朋友一齐左两年。虽然大部份时间分隔异地，但当时我由头到尾都觉得我哋喺埋一齐 ——直至得知有第三者之前。
两年来，除咗佢放假返香港之外，我哋一直靠电话电脑隔住个萤光幕来沟通。讲都系家常便饭，冇乜特别。
每次出赛，佢又唔能够黎支持我。唯一可以做，就系事後将赛果报告俾佢听。有好成绩，佢就会赞；未如理想，佢就安慰我。可是，佢人在英国，根本无机会参与整个过程。
得知前任喺英国原来另有新欢，我的确非常震惊，毕竟系第一次被背叛。但坦白讲，又未去到难以忘怀的地步。我地的感情平淡如水，期间无经历过大起大落，没有什麽悲欢离合，因此无声无息便结束了，也非意料之外。
而这段时间，我的身边却有一个人，一直同我共同进退，共同成长。
比赛前夕，佢比我去佢屋企训，让我可以省去交通时间，休息多啲。
我带队经验不足，佢毫无保留地将自己的知识传授俾我，而且仲同我一齐训练。
我失恋，佢鼓励我，而且预备抽训练的时间来陪伴我。
佢系我同房，系学界男神，亦系我的兄弟。如今，佢已经向我袒露心迹，但我受得起呢份情吗？
。。。
Rachel轻轻把杯提至鼻尖前，享受着浓浓的咖啡香。香味中带着玫瑰的花香，听店主讲，系最受女仔欢迎的咖啡之一。然而，Rachel在杯的边缘仅仅啜了一口便说：「玫瑰味太浓，反而盖过咗咖啡。」
自两日前去医院探佢之後，我都我整个人的状态都忐忑。呢段时间，Jerry无主动提起过呢间事情。
不过唔代表我可以唔理。
我直觉觉得，佢唔系当冇咗件事，而似乎系比时间我消化。
好不容易约到Rachel出来尽诉心声。将事情经过和盘托出後，我期待Rachel可以给我答案，但佢无任何回应或表示，只是低头品嚐着咖啡。
「你好赶时间咩？」Rachel的语速又缓又慢，反倒令我更焦急难耐。
「唉，Rachel你指点我迷津啦。」我恨不得把额头撞到台面上，「我成世仔都未试过咁烦、咁乱，真系好辛苦。就算系考试、比赛，都无咁样。」
Rachel饶有兴味地说：「咁你依家有少少明白Jerry心情未呀？」
我愕然说：「Jerry…… Jerry心情？」
一言惊醒梦中人。一直以来，我好似只考虑到自己的感觉和想法，反而没有考虑Jerry点谂。
「你唔系以为Jerry得闲无嘢做，所以同你表白呀嘛？」Rachel一副前辈训话的口吻说：「人哋锺意咗你一段时间?喇，连我都留意到。」
我眼见立即浮现了Jerry在医院里牵着我的手时，柔情似水的眼神。宜家想起来，Jerry曾经也时不时露出同样的眼神，只是我当佢系嬉笑而已。
Rachel见我一脸惘然，便继续说：「Jerry又未同过男仔一齐，之前可能连佢自己都唔系好肯定。不过呢，每次Alvin嚟搵你，Jerry都满面醋意。呢个都好明显啦，系你地一个二个粗枝大叶先留意唔到啫。我估呢，好可能就系因为你突然间同Alvin飞咗去英国玩，令佢不得不面对自己对你的感觉。」
果然，女仔的观察力比男仔强得多了。我地几个当事人当局者迷，Rachel就旁观者清。
听完Rachel的分析，我的烦恼却有增无减：「我估唔到原来咁复杂。Alvin…… 我一直都只系当佢系朋友，而我亦唔知道原来Jerry会介意。」
「其实一啲都唔复杂。」Rachel无可无不可地说：「你有冇锺意人哋，你心里有数啦。」
我犹豫地说：「但，我同Jerry都系男仔......」
我尚未说完，便给Rachel打断了：「咁又点啫？我同Tom一齐之前，都有同女仔拍拖?。」
「咁你宜家有Tom…...」咪住！我好似听到啲嘢：「你、你话你同女仔拍过拖？」
此时，侍应刚好走来，放低一件芝士蛋糕。我们识趣地暂停说话，直至侍应离开。
Rachel慢条斯理地拿起支叉，缓缓地将芝士蛋糕的前端分开出来，然後放到口里细嚼慢咽。
「嗯，好味。」Rachel闭起眼睛，摆出一个满足得夸张的表情。
我长叹一声，表示无奈。
Rachel耸一耸肩：「有咩咁出奇啫？我就唔信你同Jerry一齐咁耐，无发生过任何比较亲密行为。」
我心中一凛，有一种被人看穿了的感觉。
咳！咳！脑内闪过很多片段，当中不乏尺度超越一般朋友的行为......
佢继续说：「重点系你有无锺意Jerry先？你未同过男仔一齐所以觉得迷惘，呢个其实好正常，