Jerry话过黎九龙城搵我，想参观拳馆。我当然欢迎啦，咁啱我今日要教拳，所以就邀请佢上嚟，join一堂泰拳入门吧。
学有初成之後，教练就要我负责教入门班。我的教练，其实就系我阿叔，不过我一向都系叫佢「教练」，即使系咁，我地两叔侄感情非常深厚，有时我甚至觉得佢比我父母更了解我。
呢期入门班，今日系第三堂，总共有十人。当中有两个师nai，其余八个系同我年纪相约的少男少女，包括有两对系情侣吧。Jerry以新同学的姿态出现，固然吸引了同学们的注意，同其他男仔企埋一齐的时候，着住代言品牌的背心，尤其出众，大家都不时偷望佢。
身材可以练返来，但Jerry无时无刻都散发着一种耀目的自信，呢份自信，就唔系个个有。宜家Jerry即使系静静地拉筋，都会流露出与别不同的气质，就如一只混在羊群中的狮子。讲开又讲，Jerry自信外溢，Will沈稳冷静，每次见到佢地一齐，都会觉得佢地嘅好夹，彷佛世上无嘢系佢地做唔到咁。
坊间许多的泰拳课程，好多其实都只系求其叫你跟音乐出拳、踢腿，跟「真正」的泰拳相差甚远。之前两堂，我迁就住啲同学仔，但今日有称得上我第二教练嘅Jerry喺度，我决定提升要求，严格一点。
「今堂教大家泰拳嘅基本功，我希望大家专心一致，认认真真咁学。」我故意严厉一点，肃穆地说：「平时少做运动嘅同学，可能会觉得辛苦，但千祈唔好放弃，到咗小休时先好停低。」
你地唔好以为我虐待学员呀，只不过系做咗十五分钟混合咗体能同泰拳的锻链。宜家的强度，连龙舟队或者榄球队平日训练的十分之一都没有，都唔系咁辛苦啫。
「我就快死喇......」一到小休，两个女仔双脚一软，相拥一团，凄惨的情况十足啲新闻报导啲难民咁：「Sunny sir，你放过我地啦，好辛苦呀～」
「好痛！好痛！好好好好好痛呀！」唉，我不禁叹息，似乎连男仔都唔系好好多。
「系罗，」Jerry帮小腿抽筋的男同学按摩：「Sunny你迁就下啲同学仔嘛。」
呢句话由Jerry口中讲出来，真系冇乜说服力。佢除咗流咗少许汗之外，基本上同十五分钟前无大分别。不过身边各人，就算无气回应，都不禁落力点头赞成。
「嗯，好啦。大家休息下先啦，之後我地分两人一组练习出拳啦。」
跟住落嚟，我都唔敢chur得佢哋咁尽。主要执返佢哋啲出拳嘅姿势同技巧，应该都唔算辛苦嘅。
我好明白点解教练要求我得闲就帮手教班。教学相长，能够指点学生，自己就必须要有足够的水准和知识。喺呢方面，我受了Jerry不少的启发。佢教我做gym，同时俾咗几本解剖学嘅入门书我，并要求我学懂人体肌理同结构。简单来讲，就是要求我运动时清楚了解自己训练目的。
虽然Jerry平时好似有啲粗枝大叶，好多事情都冇乜所谓咁，但其实佢系粗中有细，尤其是认真起上嚟，佢嘅态度同深度的确令人钦佩。
一小时嘅课堂转眼便过。虽然辛苦，但同学仔都感觉到我系认真教嘅，大家都十分投入，即使系运动神经较弱的同学，都会积极赶上进度，没有放弃。
「Sunny，其实你教得好好。」下课後，我和Jerry一齐喺九龙城搵地方食饭。「你explain得好仔细，我今日第一日上堂，好快就上到手。」
「你唔好赞坏我啦，其实好多嘢我都系跟你学?。我啱啱开始教拳嘅时候，间唔中都会俾学生投诉，话我教得唔好。系你带住我做gym之後，我先知道，原来教人系点样嘅一回事。」
Jerry拍拍我肩头：「咁系因为你有potential嘛。话时话，呢头我唔熟，有咩地方介绍？」
「睇你想食咩啦。我知道附近有间餐厅食烤rou几好，另外又有间......」我正要为Jerry介绍附近有什麽好地方，却见佢忽然拉着我往旁边走。
Jerry神色凝重地把目光投向对面街，我心中奇怪，顺佢嘅目光望过去，发现有个浓妆艳抹嘅靓妹，同个南亚裔男人，一前一後行入後巷。个女仔垂头丧气，成个苦瓜脸咁，而男人则凶神恶煞，四周围望；两人形迹相当可疑。
「过去睇咩事。」Jerry冷冷地抛下一句话，还没有等我回应，就冲咗出马路了。而我当然唔会企喺度等啦，马上便紧随而上。
淡黄的街灯没能照进後巷，里面一片昏暗。事出突然，根本冇时间作周详嘅考虑。我用眼神询问Jerry，系咪真系要入去。佢坚决地点头，表示锐意要前行。我也没有反对，便同Jerry慢慢并行前进。我地不时要故意提起双脚，跨过地上的杂物。
巷内一篇寂静，甚至静得诡异，我直觉上感到了危险的气息。
我地亦步亦趋，有深入腹地的感觉。
突然，一阵破风声从右而至。我还未看清楚，已听到一记「哐