【William视角】
喺英国的最後一天，起身时已经日上三竿，然後Alvin就话前一晚饮得太多，有点不舒服，所以整天都留喺床上。而我无无聊聊，就自己出街买咗啲少手信，幸好知道我嚟咗英国的人不多，所以随便买咗少少嘢就算了。
灿烂的阳光透过淡薄的云层，古雅的lun敦街道都温暖起来，连行人都比平时更有朝气。
随意地穿过横街窄巷，转了几个弯，经过海德公园。公园里鸟语花香，还有许多草地。随便一看，不乏正在小睡、看书的人，活得清闲。
我心中一动，也想来个野餐，於是就走到附近的超级市场，一口气买了果汁、饼乾和薯片。我当然没有忘记Jerry特别要求的软糖，一连买咗五包。嘻嘻，返到去肯定佢成个小朋友咁追住我糖食。
我喺草地搵咗个地方，慵慵懒懒地食薯片、睇风景。我甚至有熄电话嘅想法，让自己安静地融入lun敦人舒适的生活节奏。
前方不远处，有两个鬼仔引起左我嘅注意。两人年纪也许大我些少，不超过30岁。佢哋身形高挑，打扮入流，但最令我留意的不是佢地的外表，而是两人情侣的关系。
一对情侣手拖手喺湖边散步，是多麽平常而又多麽写意的一回事。佢地无因为旁人一些奇怪的目光而受到影响，安於二人浪漫的世界里。
男仔尤其是运动员，好多时都会「基佬」、「乸型」来互相取笑。事实上，我身边同性恋嘅朋友唔多，所知有限。犹记得，刚刚加入龙舟队的第一年，有个师兄系公开咗自己身分的，但佢嘅性取向丝毫没有影响大家之间的友谊。话虽如此，因为接触少，所以总觉得呢个群体好神秘。佢哋好似无处不在，总有一个系你身边，但佢唔透露，你又看不穿。
宜家见到一对活生生的同性恋人，我也不禁看多两眼。毕竟香港比较保守，我咁多年来都无见过两仔在街上拖手行街。我心里默默送上祝福，同时又忽发奇想，如果我同男仔拍拖会系点嘅呢？会晤会简单啲嘅呢？
忽然间，我心里面浮现出一个人的样貌。
会想起佢，连我自己都愕然失笑。我从袋中拿出熊仔软糖，心想：哈哈，如果真系有一日同男仔拍拖，或者佢都唔错。
悠闲地过了一个下午，转眼间已经黄昏，系时候出发去机场了。我返到酒店和Alvin会合。见佢轻微地一拐一拐的前行，尝试隐藏身体的不适，但Alvin只系轻描淡写地话可能系饮醉咗嘅时候撞亲。我身为运动员，佢呢啲动作当然瞒唔过我啦。奇怪，明明寻晚都好地地嘅，又唔俾我帮佢睇，所以我都无深究了。
不过，同Alvin一起去旅行的意外收获，就系佢凭着迷人的电眼，以及彬彬有礼的谈吐，成功帮我地争取免费升级到商务客舱。商务客舱的人较少，座位又可以躺平，所以我都无咁担心。商务客舱的好处是私隐度高，乘客之间都隔开了。每人有自己的空间，反而无得好似经济客舱咁，随时就同旁边的朋友吹水。不过，有几次我起身偷望Alvin，都见到佢戴着眼罩训紧觉，我都唔方便sao扰佢了。
睇咗两套唔需要用脑的动作片，然後半睡半醒地训咗阵，十二个钟头的飞机航程，转眼之间就过了。感觉上离开咗香港好耐，居然好似尚未习惯，脚步浮浮咁。Alvin则戴上黑色口罩和太阳眼镜，和我一起无声无色地隐藏喺入境的人群之中。
回到灰白钢筋色的香港机场，已经系另一日嘅晚上。外面滂沱大雨，天气不太理想。
我就和其他乘客一样，呆呆企喺行李输送带旁边等待，不忘打开手机覆message。Alvin拿着电话，似乎有人在电话的另一端：「Will，我经理人咗车来接我，不如兜埋你呀？」
我连忙说：「唔驶啦，你都唔系返港岛。更何况你地讲公事，有我喺度唔系咁方便嘅。」
艺人临时即兴离开香港，如果我系经理人都可能会抓狂。幸好Alvin平日从规蹈矩，同经理人关系无措，所以今次公司先当系俾佢放假。不过，经理人亲自来接佢，一定系有嘢要同佢倾，我识趣点避开吧。
「唔...... 」Alvin略显失望。
我安慰说：「真系唔驶喎，你工作忙，快啲返屋企休息好过啦。咦！我哋啲行李啊！」
我没有等Alvin反应过来，便冲过去将我地两人的行李搬落地。附近有个师nai唔够力提起，有点气急败坏，我就顺便帮埋佢。
「唔该晒呀哥哥仔，你真系好人。」师nai道谢後，向後瞅了瞅一个站在机场手推车旁，顾着用电话的中年男子，眼神有点怨气。
「唔驶客气。」我微微一笑，便同Alvin一齐走向机场出口。身後隐约听到师nai自言自语说：「另外个男仔...... 我系咪喺电视度见过呢？」我心谂，Alvin个样包到实一实，咁都认得出佢系边个？师nai果然系电视最好的朋友。
我地加紧脚步，直到停车场，见到Alvin经理人企喺一架七人车旁边。
「你唔舒服