车内大致宁静，但偶尔仍会听到街上的热闹。恍如古董车的黑色lun敦的士，载住我和Alvin两人，穿过城内璀璨的街道。车外的景物，犹如川流不息的灯海，从身边擦过。我托住头，静静地感受这个大都会。
旅行的时光过得特别快。一个星期转眼即逝，感觉有点虚幻不实。
喺英国呢段时间，我地去咗好多地方，几乎每一日嘅行程都好丰富。初初到步嗰几日，朝早训到自然醒。起身时，Alvin已经买晒早餐返来等我一齐食，而且早已计画定几个不同的行程俾我选择。餐厅、博物馆、shopping地点等等，全部都有晒Plan A、B、C，细心程度令我汗颜。
虽然Alvin无直接同我讲，但我知道佢其实为了今次旅行，推咗某些工作。有好几次，我都唔觉意听到佢同经理人倾电话，似乎对方都想佢尽快返香港准备演唱会。
不过，最意想不到嘅系居然有机会睇Eason演唱会。没错，系香港殿堂级歌手Eason的全球巡回演唱会，lun敦站。
事源系Alvin同Eason同属一间唱片公司。出发之前，佢亲自打电话俾Eason助手咗两张演唱会飞。香港黄牛党当道，根本唔会有机会买到飞，但我居然喺英国睇到，完场後跟埋Alvin入後台同Eason打招呼。宜家，我地就系去紧庆功宴嘅途中。
的士开始减速，靠到行人路旁准备停低。我们来到泰晤士河河边的一栋高耸入云的摩天大厦。lun敦不像香港，即使系市中心依然保留了好多古老建筑，反而类似的现代建筑不多。
我把目光从街上收回来，骤然发现Alvin正注视住我。
我抿嘴问：「做咩咁望住我啊？」
Alvin摇摇微笑：「无嘢。」落车前，Alvin指指我心口说：「你可以除咗张staff card?喇。」刚才入後台，要挂上工作人员的通行证，事後我却忘记除番落黎。
「哦，系喎。」我傻笑说。
「Eason每次喺lun敦开完show都会黎呢度顶楼间餐厅，公司包起咗全层慰努大家。个view好靓，可以俯瞰成个lun敦。」Alvin边除安全带边解说。「行喇。」Alvin轻轻一笑，便和我一齐落车走进大厦了。
「喂！！！Alvin，Will，过嚟过嚟！」
刚刚行入餐厅，Eason正住枝香槟周围帮人斟酒。见佢脸色略红，睇嚟都唔会喺第一round了。环顾四周，除了演唱会的工作人员之外，餐厅果然没有其他客人，Eason的势力果真无远弗届。
「难得Alvin带埋朋友仔飞嚟lun敦睇我演唱会，cheers！」Eason怪笑地举杯说。「Will你第一次嚟英国啊？」
「系呀。」我向Alvin扬一扬下巴：「好彩有Alvin邀请我嚟咋。」
Alvin摆手说：「哈哈，其实系我自己想嚟放下假，多谢Will陪我一齐周围玩就真。」
「我都好锺意英国。每次返来开sao都想返以前中学行，其实离lun敦唔算好远之嘛，但行程太紧密，无计。」
讲到喺英国读书，令我不期然想起Jerry。其实，都已经唔系第一次谂起身在香港嘅Jerry?喇，我都好记得佢同我讲过嗰啲以前喺英国生活嘅故事。话说回来，我都有少少觉得自己好似抛低咗佢咁。
铃铃铃——
咦？我从口袋拿出电话，居然系Jerry p call我？又会咁巧合？
我同大家讲声唔好意思，然後走到餐厅某个少人的角落听电话。
「喂，Jerry？」
电话传来久违的声音：「Hey Will，what’s up？」
我望望手表，香港依家系朝早8点：「香港仲好早咋喎，你打俾我有咩事呀？」
「一定要有事?咩？唔可以挂住我roomate?？」Jerry声音慵懒，一听就知道仲喺床上面??。
我翻一翻白眼：「系咪又唔见咗野要问我呀？叫咗你啲嘢唔好乱咁放......」
「No，I really miss you Will，你几时返香港呀？」
唉，条友仔一定系放假放到嫌闷啦。我回答：「听晚夜机，好快就返到，你咁大个人识得照顾自己啦。」
「～～～」Jerry拉长声线，扭计说：「听日先返呀？」我脑内即时出现了Jerry唔着衫喺床上典来典去、一副小朋友扁嘴撒娇的样子。
我油然轻笑：「你系咪要手信呀？」
「Don’t be silly，我喺英国咁多年，驶乜你买手信比我啫？」Jerry顿了顿：「不过...... 」
「不过咩呢，呢位先生？」
「不过，」Jerry无耻地打到五秒前的自己：「如果你见到有Haribo就顺手帮我买几包啦。」
「Haribo？」我不禁失笑：「嗰只熊仔软糖？