「Jerry，你放松啲、对脚再打开啲，如果唔系你会好痛?。」
好唔习惯呢个由下向上望的角度.......
更加唔习惯双手被绑、双腿被强行拨开的姿势......
但最唔习惯嘅系Will用佢碌鸠撩我下Yin！
「唔... 唔...... 」有口难言，连个嘴都塞满咗毛巾！
Will打开包装袋，取出，慢条斯理地套喺自己碌鸠：「头先去7仔买，居然无extra large卖喎。结果要我行成两条街，问咗三间药房先有。」
「唔... 唔...... 」救命呀！Will碌巨鸠我见识过，如果真系插入黎唔系讲笑！
Will完全无视我激动的反抗，身体倾前压住我双腿，用鼻尖扫了我的鼻尖几下，声线沉实地说：「乖，我宜家入黎喇。」
Shit！No！
我猛地惊醒！原来系发梦，仲要系发春梦。心跳不停，一身冷汗。居然会喺梦见自己俾Will…...唉，唔讲喇。
依旧系我熟悉嘅宿舍房间，依旧系漆黑一片。我睡眼朦胧地按一按枕头边的电话：凌晨5点。
我随意地望向房间内。
哗！吓死我！
熟悉的身影静静地抱膝，背着墙坐喺对面张床上。Will一副万念俱灰嘅样。虽然佢望住前方，眼神却十分空洞，毫无焦点。
我晃晃悠悠地落床，拿起一支剩余一半嘅蒸馏水，饮咗两啖定定惊。很明显，Will系清醒的，却一言不发地发呆。我忍不住问：「Will，你......无事吗？」
Will忽然醒悟过来，看看我，然後望着地下说：「无，失恋啫。」
「咩话？」我差啲连手上嘅水樽都跌埋。
「嗯。」
明明我寻晚临瞓前，Will先同女朋友先video call完。当时我仲打算say hi，但系比Will喝止，佢要求我着翻条裤先。喺短短几个钟头之内，就出现咁大嘅变故？
我追问：「点解会咁?？你唔系话比个surprise你女朋友，今晚搭夜机去UK同佢过圣诞嘅咩？」
Will声线平淡地说：「原本就系，但已经无意思啦。」
我爬上Will床上，坐喺佢旁边，忽然却想起刚才的梦。我轻揉一下太阳xue，提提自己嗰个不过是发梦，唔系真的。恍惚了片刻，我问：「我唔明喎 ，无端端做咩搞成咁？」
Will闭起眼睛，头部轻撞背後的墙数下，静默良久後说：「你记唔记得我同你讲过，我旧年有个roommate，今年去咗英国exge？」
「你有讲过roomate去咗exge，所以问我一唔一齐住，但无话系lun敦。」
「Anyway，我女朋友系喺lun敦读大学嘅。佢地几个香港人friend搭friend出嚟食饭，然後我个旧roommate就系咁认识左我女朋友。」Will的语气异常平淡，冷漠得好像诉说着另一个人嘅事情。
我忍不住猜测说：「唔好话我知，系你个旧roommate…...」
「唔好咁心急，你听埋我讲先。」Will从我手上咗支水饮，然後继续说：「寻晚你训着咗之後，个旧roommate send咗幅相俾我，系佢哋成班人食饭嘅时候影嘅。佢同我讲，紫色衫嗰个女仔好索，不过可惜系插在牛粪上的鲜花。我睇完幅相，粗口都讲埋。嗰个咪我女朋友罗！」
我好少见Will激动嘅一面，但我绝对想像到佢当时嘅无奈和不忿。Will平铺直叙地说：「咁我跟手就问佢咩意思。佢话，个女仔隔离条友咪系佢男朋友罗，又样衰，又冇品，唔系有钱的话个女仔点会黐埋去。」
我尝试问：「会唔会认错人架？」
Will摇摇头，叹左口气说：「傻嘅咩，连自己女朋友都认错？之後我再睇幅相，条仆街只臭手就系咁揽住我女朋友，我...... 唉，我即刻打咗电话比我女朋友，佢无否认。」
连我都忍唔住「唉」了一声叹气。被人背叛，一啲都唔好受。
事情发展到呢个地步，已经无弯转。
Will一副孤立无助嘅样子，挨落我膊头说：「Jerry，我地间房系咪风水唔好，点解你同我会轮住失恋?？」
大约两个月前，Halloween之後嗰日，我同Will出街食lunch，顺便话佢知我同Emily分咗手。我当然省略咗鬼仔Owen嗰part啦，只系话大家嘈完交，分开咗。当时Will仲好好人咁请我食饭，又安慰我情侣闹交好正常，闹完就会好番。
Will份人就系咁善良，苦口婆心地叫我唔驶唔开心，过多排返去氹番人啦。为免佢枉费心机，我就求其作个故仔，话我女朋友唔再锺意我（某程度上都系事实），所以已成定局了。估唔到，短短两个月，我哋两个先後都变咗单身狗。
我苦中作乐地回答说：「