Studio占地接近五千尺，搭起咗布景板，由几支射灯以不同角度照明，旁边还有一些道具。不过，我地到埗後首先要做的事情唔系影相。Edwin带咗我地去个存货的地方，在一排排衣架和一纸盒中，终於搵到设计师同佢见面。
经Edwin介绍，先知道设计师系台湾人，高高瘦瘦，头发染了深红色，有一种艺术家嘅气质。设计师同Edwin系相识多年嘅朋友，终於有机会一齐合作，开创新品牌。
「新品牌的名字是GLORY，主要的产品是适合跑步跟器械训练的衣服。虽然我们着重男装，但但也有给女生的。」我地三人跟设计师打过招呼，就乖乖听佢简介：「一开始的时候，Edwin跟我说，他希望客人穿了GLORY的产品後，会更有自信，更有动力做运动。所以，我在花了好多心思做好cutting。不过，这些细节现在不用提了，你们三个的身形都那麽棒，真的不是模特儿吗？」
看到我地三个懵然地摇头，设计师便哈哈大笑：「没问题，都交给我吧。衣服到哪里去了？快！快点把衣服拿来！」
助手连忙走去，回来时手上捧着几套衫，一套一套派比我地。
我收到嘅系一件贴身白色T恤加灰色窄身长裤，属於跑步装束。Jerry则全身黑色gymwear，棉质短裤同机翼袖背心，十分配合佢充满爆发力嘅大髀同一对手臂。
至於Sunny……
「唔好意思，请问系咪争咗啲嘢未比我呀？」Sunny一脸呆滞，手上只有一条深蓝色四角底裤。
设计师似乎听得懂广东话，便直接回答：「没有哇，就是这样了。」
Edwin接便解释说：「我地个计画系咁嘅。Jerry负责gymwear line、William就系running line，而Sunny嗰part 就系underwear line。我地特登选取咗特别物料，所有内裤都系适合运动期间着嘅，所以阵间你嗰部分就系以泰拳嘅方式，显出物料嘅弹性。」
「哦。」Sunny似懂非懂地说。
就喺呢个时候，Jerry施施然脱下外套，抛到衣架上，然後居然便当众把仅余的T恤都除埋。整个过程十分迅速，不过5秒，便赤裸了上身。见到佢作势想打开裤头个扣，我马上喝止：「喂，大佬！你唔系谂住喺度当众仲换衫啊嘛？」
「咁唔系点啊？」Jerry以一贯无乜所谓嘅表情说：「出出入入fitting room，好晒时间?喎。」
我转头以询问的目光望向设计师。「一般来说也可以的。时装秀後台也是这样，换了以後马上就出场了。」设计师托一托眼镜，以专业的口吻说，「不过你们不用急，还要先化妆。」
Jerry给我一顽皮嘅眼神，便大模斯样地行开了，遗下我在原地哭笑不得。
身材一般嘅人，穿上Jing心设计嘅衫，都会即时变得好睇。Jerry本身身材已经很好，咗GLORY嘅衫之後，男性魅力直线上升。Jerry双手各拿一个哑铃，一个上一个落，机翼袖露出的二头肌马上充血。加上化了妆、打了灯，肌rou线条在Yin影下更能显出佢本来就有的肌rou质感。在场所有人的眼球，包括同佢朝夕相对的小弟，无一不被佢雄斗斗的气质所吸引。
神一般嘅设计，我彻底心悦诚服，呢个品牌必红！
到咗今日，我先发现Jerry原来咁有潜质做模特儿。设计师要求佢做嘅各种动作和表情，佢都超额完成。举铁、深蹲、掌上压，表情时而冷漠，时而开怀欢笑，连偶尔嘟嘟嘴反差萌，佢都得心应手。不过，又唔可以话系意料之外，话晒Jerry外貌本来远高质过大部分男仔。先唔讲身形，俊脸轮廓鲜明，皮肤又好，加埋天生鬼仔气质，难怪大学咁多人锺意佢。
间唔中，Jerry会望过嚟，谷一谷肌，然後对住我眨一眨眼。此风不可长，我一一都以反白眼作回应，Sunny则喺我旁边偷笑。同Jerry朝见口、晚见面，对於呢啲低级招数，我已经有晒免疫力。不过，我唔排除，如果大学啲小妹妹喺度，就真系会俾佢电晕。
一日内要为我地三人影相，时间紧迫。可幸嘅系Jerry进度良好，设计师十分满意。
随即便轮到Sunny了。
Sunny闭起双眼，合十鞠躬，数秒後打开眼时，气场顿时变了。阳光无邪的大男孩，瞬间化身成为威武不屈的拳手，气势不逊於比赛当时。
「嗄！」
凌厉的一腿，飞快地踢向沙包！响亮的「砰」一声，在楼底甚高的studio里荡回，余音犹在耳边，使人心中一凛。遭到狠狠击中的沙包，猛然左右摇动。然而，Sunny并未因此停低落黎。佢右脚才刚落地，整个人便马上原地一转，疾如雷电地伸出左脚。「砰！」沙包受到比刚才更加猛烈的一击，摇晃得更为剧烈。
Sunny慢慢将腿收回，片刻之後，瞬间变回那个为人熟识的傻气男孩，战战兢兢地望向设计师。毕竟系刚