己有少少腌尖。
「ok，仲有无嘢要啊。」Thomas爽快地应承，好似无所谓咁。我望住佢安慰式嘅笑容，
「无啦，唔该你。」
「抖吓啦你。」
我一摞低，又训着返，直到Thomas再叫醒返我，枱面摆好药同埋嘢食。好似无咁辛苦嘅我就坐喺床边，慢慢食仲暖暖地嘅腿蛋通。
安静嘅房间充斥住我耳鸣嘅嗡嗡声，更加加深我自己一个喺咁乱谂嘢嘅坏习惯。每次一有少少病痛，我都会突然之间沉入恐惧，好惊?
我会唔会中咗HIV?？
我开始回想呢三个月以嚟嘅所有约fun同埋做过嘅嘢，
上次同Chris，仲有同上次钓到嘅仔，App识嘅嗰个，同埋喺22楼嗰个?
口交会唔会传染呢？
仲有Fredrick，仲有，oh shit，仲有Daniel。
如果我坚定啲戴套，又或者，如果我唔系成日出去约人，我而加就唔使担心呢样嗰样。
我望住浸住喺汤入面嘅通粉，剩系觉得自己好蠢，好白痴，好似每次约fun，都夹硬攞自己生命嚟较飞。
「唔食啦？」Thomas低沉嘅声音喺隔离传过嚟，我抬起头望住佢。
「无咩胃口?」
「感冒呢啲嘢，休息多啲，饮多啲水，好快就无事?啦。」准医生嘅口气轻松咁安慰我，但系，万一，我唔系感冒呢？
「都未必一定系感冒嘅?」周身都无力嘅我好似好模糊咁讲，但系静到无其他杂音房，又好似好清晰咁俾佢听到。「可能系?流感，扁桃腺炎，肺痨」
每一次有咩头晕身?，我嘅大脑都准备飞去最坏嘅情况。每一次我好似见到我啊妈又不安又紧张嘅样，嗰条友又冷言冷语，甚至郁手郁脚嘅情形。仲有我身边嘅朋友，好似见到异形咁呕心嘅样，或者系背後嘅闲话。我每一次都想准备好自己去面对呢啲情形，但好似，好似我自己都无可能可以接受到系HIV positive嘅人。
「唔好谂咁多嘢啦，你又唔系High risk group，一般人最多咪感冒流感。」
手提电脑放喺Thomas嘅枱面，不断闪烁嘅萤幕勾起我嘅好奇心。
「睇紧咩啊？」
「Modern Family」
「咦，我都有睇喎，Season几啊？」
「Season 11 Episode 11，啱啱出咗无耐，一齐睇啦。」
我坐埋去Thomas隔离，但为咗唔传染佢，我都保持返适当嘅距离。我搬张坐喺佢後面，佢较大音量，主角嘅声线填满房间。我望住剧集一幕一幕咁过去，偶尔Thomas两三声清脆嘅笑声，主角符碌嘅搞笑嘢，好似轻轻纾缓我嘅头痛。
“Well you did take over the family business didn’t you?”
“I learned from the best.”
“When I was growing up, he was the cool dad...”
「哈哈，oh shit the feelings man, this was taken from the first episode!」Thomas嘅头壳喺我前面，佢无拧转头，令我松咗一口气。
“We didn’t do much that day, but... it might have been one of the best days I had with my dad.”
当Phil拎住鞋套喺沙滩上面行过，我清咗一清喉咙嘅痰，疏通鼻入面嘅鼻水，一定系因为发烧嘅头晕令我觉得又有少少唔舒服。我望住萤幕变黑，然後Thomas嘅倒影，
「好攰啊，我谂我差唔多训啦。」
「okay, get better man.」
唔知医学院嘅人系咪都有少少悬壶济世嘅心态，面对住我呢啲又腌尖又孱弱嘅病人，Thomas都好似好细心，好有耐性咁。唔止每餐都会买啲嘢返嚟，仲有间唔中嘅嘘寒问暖，令我呢个病人都唔好意思病咁耐。训醒就饮水食嘢，然後?阵手机，又训返，唯一离开间房就去厕所，新年假好似好快就过咗，宿舍好似又多返拜完年嘅人，人声又由十二点钟收皮，去到夜晚两三点都仍然鼎沸。
「点啊，死得未啊你。」Anton嘅头喺门後面仲入嚟，
「死捻咗啦。」我连头都懒得抬起，眼睛望咗佢一眼又返返到电脑嘅萤幕上面。
「你睇吓我对你几好，我带咗你最锺意嗰只饼俾你喎。」佢兴奋咁摇一摇手上面嘅饼，我反咗个白眼，
「A. 呢只饼系你最锺意食罗好无， B. 楼下就有得买