午，竟然有成二十度，好似夏天咁热。着住白色恤衫嘅我，喺海富中心出面嘅天桥行过，夏悫道嘅行车畅通，桥上面有撕过嘅纸碎，令我更讨厌每日坐喺添马舰嘅呢份工。
我穿过海富中心，行过金钟廊，所有啱啱放饭嘅人都逼喺商场入面，前面嘅两个OL讨论紧最近追紧边套韩剧，後面嘅人就好大声咁倾紧去放大假去日韩定台湾，一切都咁约定俗成，一切都咁，ordinary，毫无刺激感。
经天桥驳入太古广场，就算喺冷气入面，我件白色恤衫都因为出汗而变得有少少透。搭扶手电梯企我後面嘅人，拎起手机，喺我背後映咗几张相，喺窗边嘅倒影明显咁反射出嚟。我忍住front佢嘅冲动，只系希望可以快啲行开。我唔知佢啲相会今晚喺边个twitter见到，但holy, I don’t give a fuck already。
喺太古广场嘅另一边出口，我沿住金钟道，转入皇后大道东，经过PP3，再沿住斜路向上行。红绿灯声喺我身後面拉远，人流稀疏嘅小路，比头先嘅大路更加宽阔，我开始放慢脚步，望住身边嘅铺面开始改变。
星街路牌喺我面前出现，蓝白色嘅垃圾收集站喺太阳嘅照耀下面都好似变得更加有艺术性，我转个弯，见到我嘅目的地。白色装修嘅cafe座位唔多，甚至要伸延到户外嘅位。比一般茶餐厅或者快餐店价格高啲嘅cafe，唔似隔两条街外嘅食肆，喺繁忙时间大排长龙，而一般返office嘅人，更加唔会有时间坐低饮一杯咖啡。如果唔系因为我咁憎嘅呢份工又high pay又孜悠，我都唔可以坐喺度order 一杯 overprice 嘅 amerio。Well, isn’t it ironic.
唔知点解，每次一觉得烦燥嘅时候，我就好想过嚟呢度，好似呢度系我嘅Safe haven。我戴上noise celling 嘅耳机，最近好中意听psychedelic啲嘅音乐，自从由Spotify转咗去Apple Music，无哂我以前收藏嘅Playlist，但就帮我发现咗好多新歌。Amerio嘅酸涩同埋甘苦味刺激住味蕾，柔和嘅电结他chord同爵士鼓被夸张嘅reverb嘅主音仅仅盖过，同出面宁静嘅街道交织，出奇地calming。
喺隔离街，绿色嘅铁皮屋，陈旧嘅玻璃窗入面，系间价唔廉物唔美嘅茶记，但又屹立喺呢度几十年，同周围嘅cafe，specialty restaurant，couture designer，同埋一大堆gentrification带嚟嘅新铺头抗衡。仕绅化为呢个neighbourhood带嚟一啲新鲜感，对比起下面，日月星好似第二个国度咁。自从入咗我呢个department做之後，我发现自己都潜移默化留意多咗City planning，成日drill究竟呢度以前系一个点嘅地方。望住一个neighbourhood嘅沧海桑田，令我都自然咁谂，唔知系咪所有旧嘅嘢，都终将会被人淘汰，唔知系咪所有旧嘅嘢，摆耐咗都会失去佢原本嘅价值。旧区，都系始终要拆完重建。
我又谂起上星期嘅事。
虽然我一直都几中意Daniel，由第一次我同佢喺App度match到，我已经有咁嘅感觉。但系就算我同Daniel咁friend，我都无同佢做过啲咩好越轨嘅行为。我同Hugo虽然各自出去搵食，各自为政，一直都相安无事，但我哋一直都坚守住一条rule，就系，我哋两个唔会一齐同互相识嘅人threesome。我当初应承，系因为我以为Hugo觉得，given我同Daniel嘅关系，佢接受到就ok，但估唔到，最後觉得被冷落嘅，竟然系我。我嘅理智其实知道咁样系好正常，但系我好明显地就唔系理智主导嘅人。或者，我根本太高估自己唔会沉船嘅能力。
Shit, what a tangled up mess I’m in right now.
上星期之後，有啲嘢的确唔同咗，但最令我fuse嘅，系唔同咗嘅，系我，定系Hugo呢？
啱啱踏入下午嘅阳光非常猛烈，我坐喺cafe入面，望住出面间唔中行过嘅人，一男一女拖住手，好似好平淡嘅生活，好似好无特别嘅故事，唔会有呢啲复杂嘅关系，生活就就咁平静。
「叮」
Hugo
You have a new message.
我凝望咗手机发光嘅萤幕，望到佢再次变返待机模式，镜面反射出我嘅样。我拎起杯Amerio，最後一啖淡涩嘅咖啡流过我嘅扁桃线。On shuffle 嘅手机转到成个playlist入面嘅唯一一首我唔识嘅歌，因为唔系我加入去嘅，而系佢上次夹硬攞我手机，add入我library。紫色嘅album cover 浮现喺p noti 上面，我制止手指?入去睇。
害怕悲剧重演 我的命中命中
越