第二章（上） 好心你几廿岁人 就唔好咁多幻想啦
Hugo呢个字好似一锤重击打中我嘅心口。我唔知道我自己受伤啲乜嘢，其实佢同Hugo都巳经一齐咗咁耐，我早就应该要将佢对我嘅所有温柔同埋调戏，放入心入面一个箱入面锁实，掉入大海。但系越抑制嘅感情，就越酝酿得浓烈，到一唔小心打开咗个箱，入面嘅情感会薰醉大脑，然後头脑清醒过後留低剧烈嘅痛楚，而我而家无论心理上定生理上都经历紧强烈嘅宿醉。
其实，我对Hugo可以话系一无所知，我甚至连佢个名都系啊Chris最近先同我哋讲。所以，其实我都唔知Hugo对啊Chris咁丰富嘅夜生活知唔知情。但系，有时我又会谂，Hugo真系唔会唔知啊Chris嘅行径，甚至连少少蛛丝马迹都睇唔出。但系同时，我又唔觉得，啊Chris嘅行似系暪住佢男朋友出去偷食嘅人，更何况，佢地一齐之前，啊Chris就应该系食仔无数嘅人。所以，种种迹象话比我知，无论系双方同意，定系啊Chris夹硬要求，呢段都应该系一段我见过最Open嘅Opeionship。但同时间，呢段关系亦狭窄到容唔落第三个人。
花洒嘅水由头壳顶淋到落脚，我不断喺心入面重覆，
我的确好需要冷静嘅头脑。被性爱同感情冲昏咗嘅理性，喺宿醉出现之後嘅时候终於浮现返出嚟。我随便洗擦一下，再浪左个口，着返啲衫就准备走。我拎起枱面部电话，唔知几时佢帮我充好电，fuck，点解要懒系有风度咁帮我做咁多嘢。我要喺冲动嘅感情又出现之前离开呢度。
「走啦？」佢都已经着返衫，准备好换床单，清走一切寻晚嘅痕迹。我完全理解，呢个系叫我快啲走嘅暗示。
「唔。」 我已经半个心飞咗出门口，想要扯埋我净低嘅身体尽快逃离呢个危险之地。
「使唔使我送你落去？」 Fuck. 可唔可以唔好咁样？可唔可以唔好对我咁好？
「唔使啦。」
「Are you sure？你真系ok呀嘛？」
「得?啦我。」
我小腿已经蹦紧，做好要跑嘅准备，我要系唔想再留喺呢个充斥住矛盾嘅暗示嘅地方。我好似喺风高浪急嘅海面撑船，一个大浪，就会成艘翻艇，沉没入海底。
「Ok then... anyways, I had fun last night.」Fuck fuck fuck. 佢露出嗰个笑容，我就知我一定要立即离开，
「Me too, see you!」我差不多真系用跑嘅速度离开，直到我听到闩门声，直到我路到落楼下，直到我远离嗰个街口，我先停底我嘅脚歩。星期六嘅上环人来人住，车水马龙，人声同车声之间，我忽然觉得好孤独。我挨住栏杆，深呼吸，但吸入嘅都系郁闷嘅废气，我开始谂，究竟我逃离紧啲咩呢？系佢？系惊撞到Hugo？惊比佢啲唔嗲唔吊但又 overly charming 嘅行为迷惑？定系我好努力想要抑压自己对佢嘅感情呢？Benjamin，你究竟喺度做紧啲咩呀？
然後我先发现，其实後面经过一晚折磨之後，都几痛吓。然後我又油然一种对佢嘅怒气，永远都系咁，佢永远都唔会从我嘅角度出发，谂下我会有咩感受。然後我发现，其实全部嘢都系我自己同意，甚至享受，但系点解我而家一啲都唔快乐嘅？其实，所有嘢都系我自己攞嚟衰。自从发现咗痛楚之後，就越嚟越明显，连行步路都痛。我又委屈，又辛苦，又嬲，完全就系比我自己screw over嘅感觉，我打开手机，下意识地打开同Anton嘅p。佢今朝一早已经text咗我，
“”
我都唔知覆咩好，惟有打
“”
“”
“”
“”
“”
中环扶手电梯斜坡附近，系我同Anton成日去嘅一间coffee shop。虽然地方唔算大，但我好中意佢可以望住电梯上面嘅人人来人往，特别令人心境平和。星期六嘅中环唔算繁忙，但闹市之中，每分每秒都有一大簇人来来去去，佢哋之间都唔知互相嘅故事，但系所有故事都喺呢一刻呢一个地点交错，然後我就好似坐喺看台上面嘅观众，望住佢哋呢刻互相纠缠嘅故事线下一刻将会分开，疑惑紧如果我顺着条线追向後，会睇到啲咩嘅过去，而我沿住条线行向前，又会睇到嘅咩嘅未来呢。
Anton喺我对面，拎起饮管饮咗一大啖佢嘅Iced Mocha，
「点呀？有咩想讲呀？」
我原本好多想要倾诉嘅事情，但望住Anthony个样，就全部都霎时之间讲唔出口。我停顿咗一下，发现其实有个朋友喺呢个时候陪住我，也经好足够。
「无呀，睇吓你寻晚点遮。」
「我寻晚无点喎，反而你寻晚同啊Chris...点啊，玩足全晚呀？」
我谂Anton都应该留意到我仲着紧寻