（九）男神亦常人 （上）
「?」
企喺房中间嘅我由得度门慢慢自己闩埋，「嘭」一声将我吓亲。我双眼抽唔开面前嘅人块面，因为我唔清楚自己系咪眼花，然後，我第一个脑海入面闪过嘅人系?
Philip
肯定系呢条友仔拣咗佢入嚟嘅，神神化化咁，顶。
但系，奇怪啦，明明我记得，我面前呢位，系住沙宣道嘅hall?喎，点解会入嚟我哋hall嘅？
「Hi，我系Thomas。」佢发现我未打算开口之後，就先行自我介绍。
「?Hi，我叫Benjamin。」一时间唔知俾咩反应好嘅我，净系组装到最简单嘅句子。我若无其事咁去书枱面前摆低我啲嘢，眼角望到佢已经执好嘅书柜。啱啱搬入嚟嘅佢唔系好多嘢，但全部都好整齐咁放好哂，映衬起我嗰面狼藉嘅枱面，令我下意识咁将所有乱七八糟嘅书籍同powerpoint都塞哂入柜桶入面。
坐到喺床上面我先至够胆望佢多几眼。佢比我想像中瘦削，佢喺深蓝色嘅颓t下面仍然可以见到佢凹凸有致嘅心口。就咁坐喺床上面嘅佢只系着住一条宽松嘅孖烟囱，伸长嘅小腿上面有住唔算浓密嘅脚毛。我从上而下咁打量佢，佢都似乎有啲困惑咁望住我，我唯有打破冷场。
「你今日搬入嚟?？」
「系呀。我都未真系出过间房。」
「咁，我带你周围睇下？」
由我哋呢条走廊，行到Pantry，再上去洗衣房，我将成间Hall都介绍得一清二楚比佢知。住咗喺度四年，间Hall系点其实我都已经好似自己屋企咁清楚。我记得啱啱入嚟嘅时候，一切都好似好新奇有趣嘅感觉，喺度住咗四年，新鲜感早就已经磨蚀哂，但取而代之嘅系唔同角落遗留嘅回忆，如果唔系沿住间Hall行一次我都唔知道，原来一早就蛀入咗每步之间。
「系呢，你几时开Sem啊？」行返到Pantry嘅我哋，经过上个Sem贴到周围都系嘅劲过挥春，仲有楼友们极之丑陋嘅毛笔字。
「我哋开咗Sem啦已经。」Medic嘅Schedule系我咁耐以嚟都未搞清楚嘅一件事。我哋开Sem嘅时候，佢哋就开咗Sem好耐；我哋未考试嘅时候，佢哋又考试；我哋考紧试嘅时候，佢哋又考紧试；我哋考完试之後，佢哋又开Sem。真系好难捉摸。
「咁你喺呢度返沙宣道咪好远罗。」
「都唔系嘅，搭巴士都系两个站遮。」
住Hall都仲要搭巴士返学，实在令我大惑不解。
「点解你唔住沙宣啲Hall嘅？」
「沙宣啲Hall太chur啦，我唔系好浮个啲，咪被人Quit咗罗。」
Sem中间被人quit咗，有古怪。
「咁你咪每日都要好早起身上堂罗。」
「系呀，我今个Sem日日都八半，希望唔会嘈醒你啦。」
Fml.
临近开Sem，返咗嚟嘅人都越嚟越多，凌晨一点钟，系大家开始吵闹嘅时候。房出面嘅人声开始嘈杂，而返到入房嘅我，决定都系冲凉早抖先。
星期日早上嘅港岛西有一种宁静嘅气息。听日就开Sem嘅我，又要投入返大学嘅生活。做咗四年学生，对於呢个地方，熟悉得嚟，又仍然有啲陌生，可能系因为Campus嘅面孔开始唔再熟悉，可能系因为大学嘅饭堂都变哂新供应商，可能系因为地铁站附近嘅商户都开始仕绅化，又或者，外行啲嘅用字，中産化。但系作为有钱无埞使嘅高消费大学生，可能先系佢哋最大嘅消费群。罕有地十点几就醒咗嘅我，去完一转坚尼地城电车路上面一间我永远都唔记得叫咩名嘅咖啡店买咗杯咖啡返嚟之後，见到对面床嘅人都仲未醒。
寻晚凌晨楼主add佢入楼group嘅p noti，似乎证明咗佢应该Room Visit到好夜。呢啲太Freshman嘅经历，final year社交疲劳嘅我望到都觉得好攰。
仲有一日就开Sem嘅Hall开始热闹起嚟，Sem break都咗旅行嘅人都带咗手信返嚟，Pantry上面每人一旧嘅磁石，证明几个星期无见嘅楼友，仲记得你嘅存在。向来痴Hall多过痴家嘅我，最中意Hea喺Pantry张梳化，望住出出入入嘅人，就算吹水，打机，打牌，都可以就咁过一日。随住毕业嘅逼近，人生入面嘅无所事事嘅日子，好似要等多四十年先会再度来临。以前好中意得闲搵嘢搞嘅我，竟然都学会咗欣赏慵懒嘅生活。
当然，Hall team系无休息嘅时间。身为 Dance Captain 嘅 Anton 成功说服咗我Mass Dance喺「四年一梦」，作为只系参与Cultural team 嘅我，好轻易咁被佢说服咗参加四月嘅Joint Hall Mass dance。Sem头将至，Daeam 嘅practice都已经无声无息咁开始咗。仲有一阵先