第二章（下） 好心你几廿岁人 就唔好咁多幻想啦
Anthony 视角
放喺枱面嘅手机突然光咗。
Instagram:
You have one new message.
我依然埋头睇紧我啲notes，唔想俾无谓嘅讯息sao扰。最衰都系Benjamin，搞到我几晚都出咗去玩，明明星期一仲要考试?嘛，佢完咗sem都唔体谅吓我嘅。
温完一个chapter，我拎起手机check吓有咩睇。我?开Instagram嘅message:
@lcklau: Hey what’s up
@anthonyy_uch. Studying.
几乎即刻，对方就覆咗
@lcklau: free tonight?
@anthonyy_eh? I still have exam on mon
@lcklau: dine? You have to eat anyways right?
@anthonyy_c: ard ktown dou ok geh...
@lcklau: Okok, see you in 15.
我换咗件衫，虽然本身谂住就咁着颓t棉裤拖鞋落去，反正都只不过喺坚尼地城附近食，不过谂到人哋特登搵我食饭，咁都应该好地地着返件t shirt牛仔裤落去嘅。沿住蒲飞路行落去，一路上行人唔多，偶尔有一两个工人放紧狗。今年嘅冬天同住年唔同，已经系十二月中，但天气仍然唔算太冻，无乜冬天嘅感觉。但系凉凉地，又无乜人，自己一个行落去，感觉都有啲单独。我唔似得Benjie咁多愁善感，如果系佢分分钟又要po个story打啲扮晒嘢嘅caption，引吓啲仔reply佢「咩事呀」咁就最开心。我反而觉得呢种感觉好chill好舒服，令人想坐喺海边饮吓酒。
行到去士尾菲路熟食中心，呢度喺坚尼地城唧中心地带，我见到企喺小巴站附近嘅佢。深啡色嘅头发随便咁垂喺佢嘅额前，唔似平时gel行个头嘅佢。我望住佢对眼，佢嘅嘴角因为我嘅抵达而露出笑意，我同佢打咗个招呼，然後并肩向海傍嘅方向行。
「想食咩呀？」
「不如食Jasper?」
「我ok呀。」
我同佢沿住吉席街嘅电车路向前行，偶尔一吓叮叮声，伴随住一阵缓慢嘅风吹过，成为我哋之间代替对话嘅声音。就算我同佢无咩嘢讲，我都觉得无咩所谓，唔知点解，同佢一齐就系有呢种舒服嘅感觉。星期六嘅坚尼地城虽然唔似兰桂芳或者苏豪热闹，但零散嘅酒吧依然为呢个小社区增添咗一点酒Jing飘逸喺大街小巷嘅空气之中，令坚尼地嘅夜晚一啲都唔枯燥。
我同佢坐低喺Jasper，食咗啲嘢，开咗支白酒。虽然我仲要返去温书，但难得佢兴致勃勃咁想开支酒，咁我都无理由反对嘅。两杯酒落肚，我开始觉得块面有啲热。我哋由佢最近生活讨论到啱啱分咗手嘅男朋友。毕竟啱啱行出咗一段五年嘅感情，真系好多嘢都唔同咗。
两杯酒落肚之後，我feel到我块面开始慢慢发?，而佢嘅面颊都变得红红地。
「你呢？」
「我？我点呀？」
「你有无搵到人想发展呀？」
「无呀，咪又系咁。」
唔系我唔想讲多啲，但我生活上真系无咩特别。系就系有几个男人嘅，不过都唔知系唔系可以行落去嘅对象。虽然Benjamin同Dandan都叫我试住先，但系我都唔知自己想点。有时我都觉得自己几烦?，成日都好似揸唔定主意咁，等吓等吓，就由有变做无，我都唔知咁样算系我失败呀，定系本身就无缘份。
食完嘢，我哋喺海傍附近行吓。十二月嘅海风有啲冻，令我同佢越俟越近。我意识到时间嘅流逝，下意识地攞咗手机出嚟，8:45。
「你系咪赶时间呀？」
「无呀，我plan吓今晚喺Hall度温到几点遮， 唉，睇嚟我又无得瞓。」
「我可唔可以上你个Hall度坐吓呀？你可以温书，我都系搵个人陪吓嘅遮。」
「都得嘅。」
佢都讲到咁样，我都唔好意思拒绝佢。我同佢行返上hall，佢亦留低身分证喺大堂。我好奇咗一眼，Louis Lau Kei，呢个喺我第一次见到佢全名。明明只系知多三只字，但唔知点解好似同佢亲近咗好多。我都拎咗我张学生证出嚟，我谂，佢都应该第一次见到我个名。其实谂返起都几搞笑，我哋扑过野，食过饭，见过好多次面，甚至，有少少好感。但系，好多时候，我哋连对方叫咩名都唔知。
Anthony Chau Chi Hin
我写完本访客登记簿，就带佢上去我间房。我啲Fies仲放喺我啲枱面