今年只剩低两个小时，街上人头涌涌，一片繁华喧闹。行人都赶住跟家人朋友见面，迎接倒数。
唯独小弟单身只影，插着裤袋漫步穿过人群。
不少路人经过我时，都忍唔住多看两眼。原因无他，喺香港唔系成日见到着住齐整黑色礼服嘅人。
我刚刚和父母出席了一个formal dinner，系爸爸啲熟客搞的。由细到大，我都经常跟父母应酬食饭。我10岁就开始饮红酒，读b school时都会偷买啤酒收埋喺床下底。後来认真打rugby先开始减少咗，亦越来越少陪父母出席dinner。所以，当初佢地都估唔到我会主动话想一齐去。
「做咩唔出去玩呀？同女朋友闹翻咗呀？」妈妈的直觉果然灵敏。作为佢个仔，好多嘢都瞒唔到佢。不过，今次同女朋友无关。
我没有直接回答，只微笑说：「无女朋友呀，I just want some good wine.」
「呢个衰仔，」一向宠我的爸爸在旁边笑说：「仲以为你咁孝顺添，原来系酒瘾起。」
不过，始终系除夕夜，个dinner大概十点便完结了。为免父母担心我喺大学有social嘅问题，我随口话约咗朋友玩通宵，然後便分道扬镳了。
睇住接载两老嘅的士绝尘而去，我便开始漫无目的咁游荡。行到有啲累，便企喺横巷旁边，冷眼旁观大街上来来往往嘅路人。如果要配合呢个孤独嘅画面，最适宜点番支烟，咁就有feel了。
哈哈，不过我唔食烟的，所以连道具都悭番。
「兹、兹」电话震了咗一下。数秒之後，又连续「兹、兹、兹」再震几下。我习惯性地unlock左电话，点进p，发现系Will传过来嘅几张selfie。
摩天轮、白金汉宫、大英博物馆，全部都系lun敦嘅地标。喺每张相里面，Will身穿黑色皮褛、笑容灿烂，露出一排雪白嘅牙齿。
「Miss me？：P Happy New Year Jerry！」我不禁笑了。系开心嘅，Will隔半个地球都记得我。
Will同我讲失恋当日，我原本打算完咗rugby team 今年最後一次training後便同佢出街食饭。打开电话时，却发现Will send咗个message俾我，话会如期飞去英国旅行，散下心。佢仲话，已经返咗hall拎行李，明年一月见。
当时，收到佢个message居然会有啲失落，原来系自己有私心：或者，我心里其实系想同Will一起过圣诞和过年的。
Anyway，佢开心就得啦。
「Jerry？顶你！咁靓仔嘅？你咁样我好难做人?喎！」
我抬头一看，原来系鲨鱼仔。身材高挑嘅鲨鱼仔一副韩仔黑色打扮，画咗眼线、戴住耳环，加上双臂的纹身，有点妖治的感觉。我说：「喔，系你呀。无呀，啱啱去完一个dinner咋嘛。」哈哈，喺香港真系好容易撞到人。
自从上次相认之後，我都有同鲨鱼仔都有出过黎吹水。原来当年佢屋企生意周转有问题，要急住卖楼，所以搬得好急。虽然後来稳定番，但生活水平始终无以前住中半山时咁富裕，父母几乎每日闹交。最後佢妈妈提出离婚，抚养权等等全部放弃，嫁咗俾个鬼佬便从此离开香港了。
十几年无见，原来鲨鱼仔经历咗咁多野。除此之外，佢仲同我讲咗啲关於gay life嘅嘢。呢个对话（其实主要系佢讲我听）资讯量十分庞大，包括anal sex秘技等等，我都消化咗好耐。我话我未知自己会唔会真系玩anal sex?，鲨鱼仔就一副专家的口吻话：「咁你学用手指帮零仔放松先啦，就算系同女仔玩都应该有用。」
倾咗一阵，我问佢点解可以咁肯定自己系gay。鲨鱼仔话佢曾经都经常谂呢个问题。佢有时觉得系因为佢阿妈，所以令佢潜意识唔锺意女人；有时又觉得系天生。总之，佢都无答案。
「喂，」鲨鱼仔说：「成碌木咁栋喺度，你无约人下场咩？」
类似的问题，今晚已经回答了起码二十次。我驾轻就熟地轻轻带过：「无呀，我都系home alone?喇。你呢？你有咩搞？」
「嘿，」鲨鱼仔冷笑一声：「我要返part time。」
我奇怪说：「Part time？宜家？」
「系呀，我朋友间酒吧个bartender突然间病左，我今晚佢帮佢顶。」然後佢叹气一声：「不过我净系识饮酒，对调酒根本完全唔识。」
「喔，原来系咁。」既然人要开工，我谂我都系唔好阻住人。不过，我又忍不住说多两句：「其实我以前喺英国为左饮免费酒，逢weekend就会做bartender，可能可以帮到你，反正我都无约。」
鲨鱼仔双眼泛起光芒：「好呀！」但随即行近一步，嘴角上扬，故作神秘地说：「不过，间酒吧无女仔?喎。」
起初我都未明白咩