【William视角】
轰隆！！！
一场滂沱大雨，毫无预兆地突然而来，雷声大作。为咗避雨，我、Jerry和Sunny拼命跑进了便利店里。
「Jerry，你有无睇错路呀？人地唔系send咗地址比你?咩？」
离开地铁站後，Jerry便主动话要带路。当时我已然有少许不祥嘅预感，但没有理会太多。
佢全神贯注望住手机说：「叫咗你唔好催我啦，我好少过海?嘛，我都系第一次黎呢个......咩涌话？」Jerry一脸惘然，宜家我都有啲後悔靠佢带路。
「系葵涌呀。」我摇头说：「唉，我都话咗你，无咗电车路你就唔识路喇。」Jerry似乎被我说中了，旋即转身背向着我，却没有出声。
曾经听人讲过，女人唔擅长搵路，男人就不愿意问路。Jerry就系个不折不扣嘅大男人，明明荡失咗路，但碍於自尊又唔肯问人。Sunny尴尬地苦笑不语，跟在身後。我地行左佢便行左，我地行右佢便行右，唔敢打断我地。
我都忍唔住了，指指Sunny说：「算啦，话晒呢度系人哋地头，不如我地交番比个九龙人啦。」虽然我无Jerry呢啲有钱人咁离地，但自问出九龙都主要限於油尖旺，其他地方都唔太熟。相反，Sunny喺九龙长大，点都可靠过我地啦。
Sunny接近自言自语嘅声线说：「其实，葵涌系属於新界嘅......」
「…… 」
我同Jerry同时转头，了无生气地看着Sunny。面对我地二人毫不友善嘅眼神夹攻，Sunny连忙补充说：「得！得！得！其实我不时都会黎呢头嘅，哈哈，大家跟我行啦！哈哈！」乾笑了几声後，Sunny马上拿出手机利用Google Map搵路。
至於点解会走咗去葵涌，呢件事就要由上星期讲起喇。
砰砰砰！砰！砰！砰！砰砰！
响亮的拳击声，传遍整间拳馆。
硬接了对手接近半分钟如流水不断嘅快攻，Sunny终於欠一欠身，抬起右腿往对方踢去。这一踢嘅目的不在反击，而是打断对手嘅攻击。右脚在对方额前掠过，Sunny便把腿回，稳步踏实擂台，整个动作行云流水，足见四肢协调极佳。
谁胜谁负，难分难解。
平日个性开朗、满脸笑容嘅Sunny，此刻神情肃穆，没有多余嘅杂念。尽管额角和唇边都擦伤了，都丝毫不减佢眼神透出嘅斗志。佢双脚开始向右移动，双眼仍然紧紧盯着对手，如箭在弦，在等候机会。
「砰！砰！」
说时迟那时快，Sunny击出如疾风般的两拳，不过即时便给对方挡住。刚才成功格挡了对手嘅一连串嘅攻势，呢两拳系Sunny试探对手而出的，旨在重夺节奏，显示自己没有被对方压到。
在场气氛异常地紧张而严肃。虽然我从来没有学过武术，而Jerry则声称细个成日同人打架，经验丰富，但我地都看得出今次比赛很不一样。除了拳击声和两人偶尔叫喊之外，基本上就是一片寂静。毕竟呢场唔系赌场之类嘅公开拳赛，大部分出席者都有泰拳或武术背景，所以没有人会喧哗。
十一月嘅超级龙舟赛结束後，我哋龙舟队便即将转到室内训练，到咗明年年初先会再参赛。换句话说，我哋会停赛几个月。当我正开始计划新一季嘅训练行程时，Sunny问我可否容许佢暂停龙舟队嘅训练，一个月後才归队，原因系佢要准备出战拳赛。
原来佢自小喺九龙城学拳嘅拳馆，系香港泰拳圈内十分有名。每年十二月，佢地会联同另外三间拳馆闭门比赛，各自派出一名年轻新血出战。呢个一年一度嘅比赛，已经搞咗超过十年。年轻拳手透过互相切磋而急速成长，各间拳馆亦极为重视比赛，视之为公开锦标赛嘅前哨。
以上嘅事情，都系Sunny同我讲的。当时我嘅即时反应系：呢个咪系传说中武林大会！Sunny哈哈一笑，说其实也差不多。其实我点会拒绝呢，只系刚刚先完成超级龙舟赛，马上就要准备拳赛，我怕Sunny会Cao练过度而已。 不过，我明白呢场比赛意义重大，因此表达咗我嘅关心、有什麽需要帮忙便随时出声，就由得佢了。後来，我同Jerry都收到Sunny嘅邀请来观赛。
四间拳馆各自派出一名选手，分成两组比赛。Sunny和面前嘅对手从各自小组胜出，休息过後，便立即再次踏上擂台，一决高下。比赛形式简单直接，没有亚军季军可言。
「你地龙舟队里面，我最欣赏Sunny。」Jerry抱胸看着比赛低声说：「Of course，我未计Will你。」我微笑点头和应。Sunny本身体能很好，加上过去两个月由Jerry亲自带佢喺gym重点培训，依家肌rou量和力量都大幅增加了。
然而，进步的不只你一人。落了场，方知谁是真正的胜利者。龙舟如是，泰拳亦然。
虽然Sunny身材比对方高壮，但没有