第7章：超级龙舟赛（下）
【Jerry视角】
龙舟比赛颁奖礼完结後，我同龙舟队一行人去咗一间Tom之前book定嘅餐厅食lunch。队长Tom带头举杯：「大家表现非常好。全场总冠军，实至名归！Cheers！！！」
「Yeah！！！」「饮杯！！！」酒吧内各人立即呼应。
各人拿着啤酒同食物到处祝酒吹水，你敬我我敬你，人人都饮咗晤少，气氛相当炽热。牛扒、炸鱼等美食一道道的送上，红酒、啤酒一枝枝地开。Tom又带住子骏等几个龙舟队新仔搵我边食边倾计，气氛甚浓。
「多谢你呀Jerry。」当我刚好一个人时，Rachel怀着灿烂嘅笑容走来同我说：「有你喺度班仔真系进步左好多。」
其实我只不过系将我平日嘅训练方法同人分享下啫，都要佢地受先得。但既然人地一番诚意，我唯有勉强接受啦。我同Rachel碰一碰杯说：「梗系啦！有我仲唔事倍功半？」
Rachel摇头笑说：「哈哈，系『事半功倍』呀！」
我恍然大悟：「咦？又好似系喎，哈哈。」大家捧腹笑左一阵，Rachel压低声线说：「Jerry，问你一个问题。」我点点头，佢继续说：「你觉得呢，Alvin系咪锺意Will呀？」
我心里一怔，反问说：「？有咁嘅事？」我下意识立即转身望向Will。佢同几个队员倾得好开心。Alvin就企喺佢旁边，虽然两人没有扶腰，但经常眉来眼去又黐埋一齐。
有一刻，佢地同时对视而笑，我个心好像沉了一沉。我好少有咁样嘅感觉。点讲好呢，就好似小朋友见到个friend宁愿同其他人玩都唔同自己玩，个心唔多忿气，但又无可奈何。
Rachel随着我嘅视线一齐望过去，继续说：「我觉得Alvin追紧佢罗。除非系好似同Jerry你咁熟，否则普通朋友点会山长水远黎睇比赛呀，而且Alvin重系明星喎！」我吞了一啖口水，细心咀嚼佢刚才嘅说话。Rachel继续以试探嘅口吻说：「咁你同Will一齐住，有无咩发现呀？」
上次Will去完个义工trip之後，我有开玩笑咁问佢受唔受Alvin媾，但始终系讲下笑，并无真系循住呢个方向谂。我微笑回答说：「你谂多咗喇。Will已经有girlfriend啦，刚才仲特登p call比人报喜讯添。」咁样讲，可谓天衣无缝地终结话题，但我好像系讲给自己听多於给别人听。
趁着Rachel一脸将信将疑，我拿出电话看了一眼说：「噢，我有事够钟要走先喇，下次再见啦！」然而，有事只系藉口，我真正嘅目的只系想离开，尤其系离开呢个话题。我都解释唔到自己点解会咁在意Will嘅事。总之，心里就有啲戚戚然。
离开餐厅前，我好似香港小姐咁绕场走了一圈，同大家讲拜拜。
「？咁快就走？」Will似乎没想到我会提早离开。
「系呀，晏啲约咗人，宜家返屋企玩件衫先。咁今晚你返唔返hall？」
Will摇头说：「未必。我今晚去香港仔探我婆婆，可能喺佢度过夜。」
「Will，」Alvin加入对话说：「我今日有车，阵间兜埋你啦。」
Will欣然接受说：「哦，好啊。」
心中顿时出现了一股难以解释嘅烦闷，我挥手说：「Okay，咁听日见啦。See you！」
佢地当然看不到我内心嘅反应，齐声说：「Bye！」
行返屋企嘅路途上，越想刚才和Rachel嘅对话，便越觉得烦厌。返到屋企，我二话不说就除咗件Will送俾我嘅龙舟队背心，洗个脸，让冻水把烦躁嘅心神冷静下来。我伸伸懒腰便走咗去backyard休息。
不时都有人问我会唔会挂住英国嘅日子。讲真呢，喺与世隔绝嘅b school读书，又唔俾出去玩，校园生活只有打波同做gym，根本无野好留恋。不过，考试压力一定远比香港学生低，所以我都唔敢投诉。
以前学校後山有片树林，里面拉起咗一张成七尺长嘅吊床，系一个鬼仔师兄set up嘅秘密基地，我得闲就会去hea。後来返到香港，处处人多车多，最挂住就系当时慢活嘅生活，於是决定喺屋企整番个吊床缅怀下。
我爬上吊床，头挨住双手，闭上双眼，轻轻左摇右荡。间中有微风轻吹，同时又有阳光，感觉好似训喺白云上漂浮。呢刻我乜嘢都唔想谂，只想投入宁静嘅自然环境。
「吱、吱、吱。」花园里嘅雀仔在叫，脑内马山展开一幅鸟语花香嘅图像。
「汪、汪、汪。」邻居只狗在吠，想像到系苦候已久嘅主人终於回家，场面一定非常温馨。
「呀。。。呀。。。呀。。。」有人嘅呻yin声。。。等等！点解会有呻yin声?？
「啪！！！啪！！！啪！！！」喂！呢个系rou体嘅碰撞声黎?喎！隐约中，似乎又夹杂了