朝早6点半，天开始光。
我同Jerry食完早餐之後，离开佢屋企，往赤柱市中心海傍方向走去。Jerry呢个有钱仔，根本可以唔使住Hall。佢屋企住中半山，喺赤柱仲有另一栋独立屋。今日超级龙舟赛，佢叫我早一晚入定赤柱去佢屋企过夜瞓耐啲，不过唔好同其他人讲。我都明白，低调啲好。
超级龙舟赛，毕竟系年尾最後一个大型龙舟比赛。赤柱市中心人山人海，人声鼎沸，大部分系参加者同支持者。今日天气稍凉，但晴空万里，无碍热血嘅龙舟健儿们穿队伍背心出战。大会喺岸边搭起左好多有盖嘅临时摊位，比每队龙舟队放私人物品。我同Jerry行到我地队嘅摊位，唔少人已经到左，做紧拉筋，尽责嘅Rachel正埋头为我地team打点紧。
「Jerry？打rugby打得闷，过嚟帮我地做啦啦队呀？」转头一望，原来系队长Tom，後面还有Sunny、子骏等几个队员。Jerry都算系咁，无条件帮我地训练新仔之余，今日还特意来打气，认真唔话得。
Jerry笑说：「哈哈，我系惊你临场抽筋，要我下海lead埋你队龙舟队呀！」
唉，鬼仔又乱用中文词汇。Rachel偷笑说：「Jerry，你知唔知『下海』呢个term唔系咁用?？」大家都哈哈大笑，气氛融洽。
Tom拍拍Jerry膊头，认真地说：「多谢你呢两个月仗义帮忙训练我地班新人，宜家个个水准突飞猛进，可能迟啲都要你训练埋我！」
运动对於Jerry就等於呼吸，呢方面嘅赞赏再多，佢也不大在意：「唔使多谢啦，哈哈。你啲仔咁高质，无入rugby team系我损失，你地求其个champion返嚟比我当补偿啦！」
Tom豪气地回答：「呢个一定啦！阵间庆功你一定要嚟，饮酒食饭，全部我嘅！」两个队长之间，颇有识英雄重英雄嘅感觉，Jerry竖起拇指：「Tom不愧系leader，nice！」Jerry主动伸出拳头，Tom欣然一笑，然後击拳回应。两大队长以男人的方式互相鼓励。
「Hi，请问大学龙舟队系咪喺度集合呀？」一把熟悉嘅声音从附近传来。
「无错，有咩帮到你？」回答嘅人谦谦有礼，应该系子骏。
「喔，我想揾Will。我同佢提过今日会嚟睇比赛嘅。」咦？揾我？
众人将目光投向那人，佢身穿白色圆领衫恤、灰色长裤，心口挂住一部相机，手上抽住个沈甸甸嘅米色布袋。原来系「佢」！虽然佢戴了黑框眼镜，但我立即便认出来了。一个白白净净嘅俊秀文青出现喺一群黑黑实实嘅运动员之中，却没有任何格格不入嘅感觉。佢有一种天然嘅魅力，好似反而系我哋擅自闯入咗佢地方咁。
「Hi Will！大家好！」
Alvin和蔼地同大家在场各位打招呼。早晨嘅阳光恰好洒遍全身，头顶一暖，好容易令人以为呢个系佢笑容嘅效果。除咗我之外，在场嘅人应该都系第一次见到佢，顿时都唔识点反应。唯一嘅例外就系Jerry个衰仔，企喺旁边对住我YinYin嘴笑。
「同大家介绍，呢位系Alvin。」好明显，我呢句系废到不能再废嘅废话。为了减少尴尬，我立刻转向Alvin说：「晨咁早都话嚟睇比赛，我以为你讲笑架咋。」
「点会呢？你哋唔嫌我阻住你哋就得啦。」Alvin放低布袋，从里面拿出一个玻璃樽：「我头先经过便利店，买咗啲麦Jing同各位打气，大家趁热饮啦。」
「多谢Alvin！」
「好感动啊，多啲黎支持我地啦！」
「真系好warm呀！」
在场所有人都不禁动容欢呼，一拥而上。我趁此机会，向Alvin逐一介绍龙舟队嘅成员，大家马上打成一片。事实上，我哋年中参加咁多比赛，绝对唔会缺乏物资，但Alvin嘅心意的确为我地提升不少士气。
Alvin笑咪咪看着欢天喜地嘅众人，然後跟我说：「系咪我错觉呢？点解Will你好似有比上次见又大只左咁嘅？」
我还在饮手上嘅麦Jing，Sunny便插嘴说：「副队长不嬲都大只?，只系平时收埋收埋之嘛。」连Tom都不给我回应嘅空间，马上接上说：「系罗，Alvin今日你有眼福喇。一年365日，Will净系比赛嗰几日先背心?咋。」
Alvin目光一闪说：「咦？唔通Will你做gym都着风褛？」
「又或者，系一件衫都唔，哈哈哈哈。」Jerry搭住我膊头，向我意味深长地望咗一眼。
我乾咳两声，说：「Tom，时间差唔多，要集齐人做热身喇。」
Tom点点头说：「好，我地行啦！」
Alvin轻轻捧起挂喺颈嘅相机说：「我带咗相机嚟，不如今日就由我负责做龙舟队嘅摄影师啦，好吗？」
Tom惊喜地说：「哗，求之不得啦！其实我哋平时都系求其影几张团体相就算，从来都