【William视角】
秋高气爽，系出外远游嘅好日子。加上今日系星期日，原本都预咗码头人流唔会少，但去到嘅时候才发现比我预期中还要更多，而且有一班女仔异常兴奋地We哇鬼叫。
我同我身旁嘅同学Katie说：「搞咩呀？成班小学生去旅行咁。」今日系大学嘅牙医义工服务日，大约有30人出动去离岛帮公公婆婆小朋友洗牙，顺便派发牙膏牙线。今朝大家就喺中环码头集合，然後一齐搭船出发。
Katie回答说：「你唔知道咩？Alvin今日会join我地嘛。」
我一头雾水：「Alvin？边个Alvin呀？」
Katie给我一个「唔系呀嘛」嘅眼神，解释说：「唱歌嗰个Alvin呀，今日同我地一齐去做service架。」
「哦。。。系Alvin师兄。」Alvin参加电视台歌唱比赛时仍然系大学生，後来顺利成为人气歌手，更拿下唔少奖项。俊俏嘅脸孔，唱歌又好听，加埋中产最锺意嘅专业背景，颇受大众欢迎。
话口未完，立即有一队人马出现。化妆、助手等5、6人跟喺一个人後面。
「Hi，要大家等真系唔好意思，希望无迟到！」神彩飞扬嘅Alvin，笑容亲切地向在场各位打招呼。啲人急不及待咁拎起电话影相拍片。佢同我地一样，住蓝底白字嘅牙医系Polo恤，但随身散发嘅「星」味，令佢与众不同。
Katie蠢蠢欲动，又有感而发说：「我都唔明，点解大家都同一件衫，佢都得特别型嘅。」我怀疑，Katie其实都系Alvin嘅粉丝，纯碎因为我喺身边，佢先无好似其他女仔咁冲上前而已。必须承认，Alvin真人比上镜还要charm，难怪立即成为众人焦点。
Katie见我没有回话，望望我，好像发现了什麽事般，问：「话时话，Will你做咩成日住件风褛啊？你唔系爬龙舟?咩？身体唔似咁弱喎。」我微笑说：「香港地冷气冻，一冷一热好易摄亲?，稳阵啲好。」
「好喇！大家安静少少，点名集合！」今次负责带队嘅教授呼叫大家集合，但众人心情兴奋，一片嘈吵，当教授嘅说话完全系耳边风。
教授正惆怅如何是好之际，Alvin缓缓走到教授旁边，以温柔而响亮嘅声线说：「大家集合先啦，要准备出发喇。」
同一番说话由唔同人讲出嚟，立即有唔同嘅效果，由人气偶像讲就当然效果更佳啦。所有人瞬间安静下来，彷佛等候Alvin发号司令。Alvin亦好识做，立即後退一步，让番个时间比教授。
「唔该Alvin。」教授接着说：「各位同学，离岛嘅居民平日系冇牙医服务嘅，义工服务嘅目的，就系希望大家善用学到嘅知识，回馈社会。亦都好多谢Alvin抽空出席，身体力行支持我地，同埋多谢记者朋友嘅报导，比社会大众知道牙医服务普及化嘅重要性。」
教授不过稍停片刻，大家已经急不及待鼓掌欢呼了。
「Alvin心地好好呀！」
「唔系有Alvin，真系唔会有人报导罗！」
「天啊，人又靓仔又有heart，咁好嘅男人边度搵呀？」
「咳、咳！」教授乾咳两声，等众人静下来後继续说：「今日我哋会分两人一组。跟住落嚟我会读出分组名单，大家听住喇。」人群中一片低声细语，内容不外渴望同Alvin一组。
教授从文件夹拎咗张纸出嚟，说：「e。。。」
「系！」一个身形偏瘦、明显化了妆嘅女仔好似中咗头奖咁，毫不犹豫举起双手回应。
教授嘅目光没有离开名单，继续说：「你同Peter一组。」上一秒呢位e脸上仍然挂住灿烂嘅笑容，下一秒随即化成黑面。口中念念有词，十足一个落紧沮咒嘅巫婆。
之後，教授连续分咗10组。虽然程度不一，但当被点名嘅同学知道自己无缘同Alvin一组後，神情都不禁有啲失落。唉！此情此景，我不禁叹了一口气。若然我系教授，都会有点唏嘘：究竟呢班学生系为咗咩而参加义工服务?？
忽然间，我感觉到旁边嘅Katie用手踭撞我。我回过神来，发现所有人正望向我嘅方向。各人眼神有的愕然、有的不忿、有的好奇，但偏偏我却唔知道所谓何事。
「噢，系William！」
「点解唔系我呀！？」
「你照下镜先啦，排队都未排到你啦。」
懵懵懂懂嘅我，过了一阵先知道发生咩事。
Alvin主动走过来我身边，真挚地说：「Hello， 你系 William？今日多多指教。」
大家握一握手，佢只手好有力、好温暖。我腼腼腆腆地说：「Hi，你叫我Will得喇。」
然後，Alvin从我手中取走装有牙医设备的运动袋：「嚟，我帮你分担下呀。」毕竟系明星，而且刚刚先见面，突然好似朋友咁friend，真系有点不自在