呢篇文比较含有较多政治...如果唔明既话可以pm问下。
小弟纯遂被今日通过唔到既政改发左写呢个故事。
第一篇应该无咩甜故，如果要甜就要等下...
小弟写甜野唔叻，所以唔好有好大期望 @@
故事用广东话写，小弟系新手，文笔可能唔通顺，敬请原谅...
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
有时候未必只系钱先可以吸引人改变立场既。
陈以俊今年23岁，系香港读紧香港大学法律系，系非常优异既大学生。佢身高185，有六旧腹肌，完全系模特儿既身形。至於佢既样呢，系标准双眼皮既靓仔，个嘴唔大，但系个鼻就好高，好有日本漫画既男主角feel。呢个时候，你应该会好奇，咁既身材咁既样，唔做娱乐圈咪晒晒？其实呢，佢读法律系主要既原因系因为佢觉得香港实在越黎越差，被一班保皇党一直赤化香港，所以佢唔想连最後既司法独立都无埋，决定投身司法界，守护香港。
不过，其实佢既人生唔系想像中既畅顺。12岁阿爸阿妈因为车祸死左，导致佢细细个就去左亲戚朋友寄居。虽然亲戚都乐於收留佢，但佢深知道唔应该麻烦人地，所以一到18岁就自己去左租屋住。
呢日，佢准备去高等法院，希望向法院申请颁布禁制令，令香港政府无法继续播放其「2017，一定要得」既广告。大批支持佢既示威者当然就趁机会去高等法院支持啦。
香港政府（自新任特首开始）一直运用警察黎控制市民权力，被人戏称香港公安。所以，班警察见到有人又黎支持（佢地眼中觉得系搞事），梗系要做野黎恐吓香港市民啦。所以，今日就调左中环既警察去附近设置路障，希望可以截查下附近既示威者。
有几个警察於是系海富中心对出既告示打道设置路障，（准备得闲拉下人）准备截查下可疑人士。黄子朗系呢几个警察既其中一个。佢系一个岩岩系警校毕业既学生，今年22岁。身高170，皮肤非常白净，亦都系单眼皮，系人地眼中既可爱弟弟。好多师姐都争住同佢出operation，因为佢总系可以带比人地好多欢乐，比到人邻家男孩既感觉。佢做警察既原因，单纯系因为佢屋企系警察世家，所以佢亦好自然加入左警队。虽然佢好享受同师姐一齐行动，但其实佢既心目中一直都想参加比较man既队伍，因为其实佢入警队既另外一个原因系为左儫仔XD。
无奈班师姐唔肯放走佢呢。
佢地今日就一直截车查下人啦。其实做既野主要都系随机抽查，然後记低对方既资料，无可疑就放行。子朗真系觉得越黎越闷，不过都唯有一路截车啦。
子朗呢个时候竟然系远处见到一部Toytota AE110，而呢部车最特别既地方就系....佢无左半个bumper，非常抢眼。咁奇怪，於是子朗就截左部车埋黎。
而呢部车就系以俊既车，佢虽然读书好劲，但渣车既技术真系非常差。
子俊将车停埋一边，拉低车窗接受查问。
子朗：「熄匙，车牌，身分证。」
子朗挂住抄低佢既车牌RJ4689，车型同埋车既颜色，一直无留意车入面既司机。
子朗：「你系黄丝定蓝丝？」呢句说话系佢既上司交带落要问，用黎分辨黄丝带（反对政府的派别）同蓝丝带（支持政府的派别），黄丝带就要抄资料咁话。
以俊：「你有无搞错？警察系应该政治中立，你咁讲野系咩意思？我系黄丝，你系咪要抄我牌？」
子朗即刻抬头望下系边个咁鬼恶。
哇，个司机成个日本明星咁呀！子朗恨左好耐既「偶遇」终於都遇到拉！以往佢遇到既唔系好似鸠融咁，就系好似私烟咁既「假日车」司机。今次虽然部车系烂，但系个司机简直令佢留晒口水，但系呢个司机好似唔系好好脾气咁呢。所以子朗都要尝试下执生。
子朗：「先生，我系指你部车系咪黄色？（指住bumper）因为你成半个bumper系蓝色既？」
以俊：「（态度由嬲变唔好意思）其实....errr系我今朝唔小心撞到我停车场个栏杆，已经赔左钱架啦。警察大哥比条生路黎行下。」
（根据香港法例，渣得出街既车结构必须安全，bumper烂左其实可以落charge）
子朗：「拿，因为先生你违反交通安全条例，咁我就要抄....」
以俊：「咪咪咪咪咪！警察大哥你咁好心，我今个月真系好穷，可唔可以.....」
子朗：「（好难做，一黎佢好难唔抄牌，但佢又唔想得失呢个靓仔）唔得，呢个系香港法例，无得唔跟。」
以俊：「（突然灵机一触）咁你可唔可以讲得出系边条法例？」
子朗：「（停左一阵）errr....」
以俊：「拿，其实你地咁辛苦，大家都唔想唔开心架麻系唔系？而且呢，其实咁样烂法既bump