第三章 夏慤道帐篷少年
呢件事发生喺上年占领运动既时候。
当时全城既话题焦点都集中系三个不同区既占领上面。差唔多每一个反对政改、支持真普选既後生仔都会去现在支持，阿恒当然亦都唔例外。虽然阿恒冇带埋个帐篷去过夜，但佢每隔两三日都会过金钟坐下参加集会，同D人分享下自己既意见，有冲突既时候就企系雨伞一边同班警察对垒。
喺整段占领期间，阿恒特别深刻既情况应该都有两次，第一次系第一日发放催泪弹，当时阿恒就系马路既人群中心，吸入催泪弹果种辛苦同刺鼻既感觉佢仲记得好清楚。至於第二次，就系学联宣布「行动升级」果晚。
记得果阵外界对学联都已经冇乜信心，不过阿恒都系抱住「信多你一次」既心态参加集会，反正当时政府同占领人士陷入胶着状态，有任何突破都总好过冇。到左夜晚九点几，学联班人终於宣布要包围政总，阿恒跟住其他人赶过去龙和道，开始左成晚流流长既攻防战。
阿恒身型虽然唔系好似身边D阿叔咁肥斯大只，但佢始终有踢开波同做开运动，四肢同身体都有D肌rou，系後生仔黎讲都算系Jing壮果一班。有时见到警察想冲过黎，阿恒都会企系最前线用遮挡住佢地，保护住後面D人。
成晚龙和道不断被清场，又几次再被占领返。去到凌晨三四点大家都开始有D攰，阿恒亦都坐左系地下休息，但都有周围望实睇下会唔会有咩突发情况。附近既人系度整理紧自己既装备，有几个男仔帮手搬紧铁马去巩固返D防守线。阿恒望住其中一个瘦瘦地既男仔，个样好似得16、17岁左右，着住一件写住「I am HongKonger」既黑色T shirt。阿恒心谂，唔知佢系咪中学生，都留到好夜喎。
突然佢见到对面有几个差佬对住呢个男仔指指点点，阿恒觉得唔对路，所以企左起身。当个男仔将铁马搬到最前面，整紧个位置既时候，果几个差佬突然跑过黎郁手，尝试将个男仔拉走。阿恒大嗌「喂，学生你地都搞！！」吸引其他人注意，自己就跑过去帮手。好彩跑到既时候见到个男仔仲拉住个铁马挣扎紧，班警察仲未得手。阿恒一手揽住个男仔，另一边尝试推走D警察。班警察见到男仔有帮手，即刻大嗌又拎D警棍出黎敲打D铁马黎吓人，其中一个凶神恶煞既差佬见拉唔走个男仔，索性拎起支警棍想大力打落个男仔度。阿恒手快，见到就即刻成个人挡住个男仔，但背脊同手臂就已经被击中几次。呢个时候其他黄丝都已经走到过黎帮手，另一波推撞又再开始发生。
阿恒趁混乱拖住个男仔离开前线。去到後少少一个安全D既地方，阿恒问个男仔：「喂你有冇事？有冇整亲？」
个男仔摇摇头话：「我冇事，唔该你呀。」
阿恒「嗯」左一声，但见个男仔件黑色T已经乱晒，就伸手帮佢整一整返好件衫。个男仔近睇望落原来更加瘦，一头黑色短发两边产青，只手同手臂虽然未到骨忏忏，但都已经系冇乜肌rou，如果头先俾警棍大力打落去可能骨折都似。系昏暗既街灯之下，佢黄白色既皮肤有少少擦伤，但唔系咩大碍。阿恒见佢已经冇乜事，於是叫佢去急救站消下毒，然後自己就走返去前线铁马果边帮手。
今次冲突维持左十几分钟，阿恒返黎既时候发觉个男仔已经唔见左，但都冇特别上心。佢觉得佢始终系男仔，俾警察搞果一次应该会小心D，唔会有事。
直至天光，警察既清场行动都有继续，阿恒虽然有帮手但都阻止唔到佢地清返龙和道甚至系上面既添马公园。到左朝早情况稳定返，天桥已经成为警察地头，阿恒都已经攰到死死下，俾警棍打到既地方又开始隐隐作痛，於是佢决定返屋企休息同清洁一下，之後再返黎。
到夜晚，阿恒训左一阵有返Jing神之後又再去返夏慤道。可能经过琴日既失败，今晚既人好似多左少少，但主要既目的都系喺大台附近闹学联做左一个错既决定。阿恒冇心机听自己人同自己人闹交，於是佢系占领区周围行下，睇下有咩特别野。
行到去公民广场对出既天桥底，突然有人系後面叫住佢。
「喂。」
阿恒另转头，以为撞倒边个朋友，但原来系一个唔识既人。望真D系个头发产青，着住黑色T，卡其色七分裤，踢拖既男仔。黑色T写住一句熟悉既「I am HongKonger」。
「喔，你系琴日个...」阿恒见到件衫上面D字，终於记得佢系琴日搬铁马个男仔。
「系呀，我叫小岚。琴日多谢你呀。」个男仔笑左笑。
「唔洗。我叫阿恒呀。」
「过唔过黎坐下？」小岚挥手叫阿恒过去。阿恒见冇咩野做，就走埋佢同佢一齐坐左系一个橙色既帐幕隔离。
「个营你架？」阿恒指住问。
「系呀，我同D同学夹钱买，佢地有时都会过黎过夜，但主要都系我系度训。」
原来小岚真系个中学生，今年中六。虽然今年佢要考DSE，但都决定每晚过黎呢度训，撑真普选。通常小岚日头就keep住