Hey I’m back.
消声匿迹咗一个月
因为考试 因为忙 因为懒
都因为开始发现自己唔知做紧咩
因为毕业 因为肺炎 因为其他原因
因为人生各种即将而又不明嘅改变而惶惑嘅心情大概已经缠绕住我一段时间
我称之为四分之一人生危机
两年前因为危机感来袭而毅然决定孑然一个去咗巴黎
人生中第二次喺passport上面吸印就玩咁大
完咗之後我好惊自己唔记得呢十日嘅经历
第一次开始将自己人生无论大小都记低
好似搵返少少自我
最近呢种感觉又无端端浮现出嚟
自己到咗廿几岁人而又唔知自己为咩而存在 有咩理想 有咩人生目标
最惊嘅系 似乎人生已经去到呼吸最後一段自由嘅空气
无论系自己人生入面 定系整个社会 我谂都有一种咁嘅感觉
唔知道喺萤幕另一面嘅你最近又有无感觉到一点嘅焦虑
呢篇文 可能系我想完结呢种不安感嘅一个宣导嘅出口
97出世嘅我 一早已经透支咗我喺大学嘅时光
选择Defer嘅我可能系一种逃避现实嘅本能反应
第五年嘅生活可惜就咁就完咗
无最後一个lecture
无最後一次摺拉摺通宵
无最後一次饮完酒宿醉住去上tutorial
无最後一次喺exam hall行出嚟放松哂嘅感觉
好似Defer 完都唔知为乜咁嘅感觉
所以 容我喺嚟紧嘅篇幅成全我对最後一个sem嘅一切幻想
喺我成为成人八达通持卡人前嘅最後一次狂野
（如果真系好写实咁作 可以两句作完个故仔:
Benjamin 收到一封email，大学决定即日停课至不日通知，
於是懒惰如Benjamin嘅同学仔由一月至六月都毒留家中，
完。)
早两日有位师兄(叫住你做师兄先)摷返一年前嘅ent
仲打咗一大篇野嚟覆我
唔想喺你主场喧宾夺主
唯有返嚟呢度比少少回应你
同时希望你知道 我真系好中意好中意睇你啲故仔架
你个西环变幻时舍得更新未呀
你敲烂个f5制我都?烂我个手机mon喇
不过 重点喺 多谢你一年後仲比个咁长嘅回覆我
祝愿你都 一切安好
最後
写紧文架啦 唔好催啦
但我真系好懒
同埋 第八章无Thomas
再等下添啦