我同Philip year 1做roommate做到而家，佢个样真系变咗好多。由year1清涩，有少少mk，仲戴紧眼镜嘅男仔，经过4年hall life，4年嘅Hockey training，同埋我呢个嘅基佬嘅耳濡目染下，外观都执正咗，变成一个几好J嘅对象。白色背心展露佢手臂嘅线条，打hockey令佢由freshman少少白净嘅肤色晒成轻轻深色嘅皮肤，令佢肌肉线条更明显。我扫上去佢块面，见到佢未剃乾净嘅少少须根，同埋凸出嘅颧骨，虽然有少少暗疮印，但反而令佢个样睇落man啲。佢见到我眼甘甘咁望住佢，反咗个白眼，问我
「喂，望够未呀，成日都视奸我，唔系俾你J?喎。」
「咁小气?，J多几日都无得J啦。」
「从来都唔应该J罗好无。」
「你仲有几耐move out呀？」
「下星期五。」
读五年BLaw嘅Philip 拣咗year 4下半年先去exge。一齐住咗喺呢间Hall咁耐，我嘅Roommate 一直都系佢，大学嘅最後一个Sem无得一齐住Hall，系有啲可惜。原来下个星期五就已经可能系我同佢一齐住嘅最後一日，四年堂友，由hall O到楼O，再一齐报team，做，佢上Hall庄我又上系庄，我同佢都经历过好多大大小小嘅人生里程碑。我第一次失恋，系佢陪我过，佢第一次出Pool，第一个就系同我讲，我同屋企人出柜，俾屋企人闹，系佢陪我一齐漏夜搭巴士返Hall，佢同庄友吵大镬，都系我企佢个边，支持佢开导佢。咁多年嘅朋友，兄弟，好似系一个星期後就会完结，我真系好唔舍得。
「喂，肚饿喇，落唔落去食嘢呀？」
「宜记罗。」
「好，等我换件衫。」
我同佢沿住蒲飞路行落坚尼地城。宜记今晚唔算多人，我同Philip好快食完饭之後，佢就继续同啲楼友喺度hea。
而我洗咗衫之後，就攞返支洗衣液俾Anton。11楼嘅走廊非常安静，睇嚟今晚应该无咩人喺楼。我行到去Anton门口，听到啲唔寻常嘅声音。
「呯、呯、呯、呯??」
「啊??啊哼??」
「嘶??啊哈??啊??」
我唔需要打开房门，我都知发生紧啲咩事。我突然好想试吓佢哋有无锁门，睇吓扭唔扭得郁个门锁，但我见到房入面好似无开灯，於是我都废时吓亲佢哋。不过，Anthony果然叻仔，晏昼都仲系tinder倾紧，咁快就已经食紧。我打开手机stalk吓呢个Thomas，原来佢都有成过万个followers，又系读我哋间U嘅，仲要读medic嘅添，靓仔嘅佢吸引咗唔少妹猪同埋基佬follow。为咗得闲可以stalk吓佢，我都follow咗佢，攞嚟俾吓dandan同啊Chris睇吓都好。
————————————
大学宿舍真系罪恶温床
唔知大家有无经历过好似啊Chris同Benjamin咁嘅关系呢？
明明好想一个人关心你
但佢每次嘅关心都系糖衣毒药
Member圈入面嘅不断搵fun搵到个人都麻木哂
其实大家都系好孤独嘅人
睇到大家都对Daniel好感兴趣
不过Daniel都仲有一段嘅篇幅先会出现
下一章系Anthony嘅视角
希望大家对呢啲无扑嘢嘅情节都会有兴趣睇啦