5.
一幢位於中区嘅甲级商厦，某层一个单位门口写住「关伟昌医生」嘅名牌。医务所只占成层一个几百尺单位，同普通专科诊分别唔大，奇在好似左右隔离都无人租咁，全部玻璃门被纸封实。三点，医务所无病人，但就播住轻柔音乐，气氛好似等紧特别人物来临。
电梯叮一声，阿祖同勤叔一齐行出嚟。
「Joe，系呢度，揿钟啦。」因为医生特别吩咐，勤叔特别买咗套松身运动套装，T恤短裤，方便做活动测试。祖?咗一下，门口传出男声，「系咪阿叔呀？」「系呀Charles。我哋嚟咗。」「好，我开咗门你地入嚟吖。」两个人入咗去，经过一条走玄关小走廊入去，着住西装戴起眼镜嘅关医生已经企喺门口等佢地。「阿叔，好耐无见啦！」「喂好细侄。咦，做乜得你一个，大医生无钱请伙记？」Charles 带佢地入房坐低，「嚟呢度揾我嘅都系有啲名嘅人，好多都要求高度私隐，所以我个医务所唔会有助手 。」Charles 嘅办公室唔特别大，除咗写字枱，另外就系一张诊证床同一张用嚟做治疗嘅梳化，侧面有几块大镜相信系调较视角用。「Joe, 我有睇你啲比赛架，由太阳队到而家缘野队，场场都咁Jing彩。」「你都锺意榄球？」「喺英国有睇下，但喺呢度就沉迷咗，咪就因为你罗！」祖有啲飘飘然，又少少面红。「其实你絶对有资格打入世界十强球员，你嘅体质同反应，都系超级水准，」「你过奖喇??」未讲完勤叔就打断，「唏，Charles 话系就系架啦，你知唔知佢医过几多天皇级运动员，」勤叔又好威严咁随手抛出一本当期国际时评杂志，封面就系Charles 同埋国际榄球明星邓肯，标题就系佢首度成功用机械式运动治疗，医好长期困扰邓肯嘅肌rou抽瘯症，而邓肯迅速痊癒并同年夺取年度冠军球员。祖觉得不可思议，「Charles 你真系犀利，邓肯上年真系横扫球坛！」
「其实??」关医生停咗一下，用低沉而肯定嘅语气，「佢絶对唔系你对手。」「点会，佢系国际球星呀，无可能。」「我曾经医过佢，佢嘅实力我了如指掌。你各方面都比佢优胜，只要我帮你解决你肌rou过度负荷嘅问题，你下年就可以挤身国际大赛。」勤叔插咀，「咁我就发喇，近排都有人同我斟你转会，我一於唔放等你一炮而红，我想穷都难。」「勤叔我都好想做到，帮你赚大钱！关医生，咁我靠晒你啦。」「好，要解决你嘅问题，我要了解你运动肌嘅效能，你除咗啲衫裤，净系同我换呢条功能裤上跑步机试跑俾我睇下。」关医生递咗条「裤」俾祖，一睇原来系一条大後空，前面重系得半只手板咁细嘅三角，质地系透明纱纺。阿祖差啲要爆粗，「你痴线???，咁??点着得呀？」勤叔都攞上手，「咦系喎细侄，点解做检查要咁着呢？」「祖，你要信我先得架，呢条功能裤系确保可以完全监察你全身每个肌rou嘅活动，系好准确嘅。」 「咁犀利嘅世侄，唔怪之得你咁叻医人，原来系有咁劲嘅工具，祖你即刻换咗佢啦。」喺老细嘅催促，同对眼前型男医生嘅信任之下，祖好听话咁着咗条功能裤行上跑步机。