呢个chapter无甜，纯遂交代背景。
唔锺意可以飞左佢。
Ch2
我都唔知点解我沦落到要做跟踪狂，但今日既我简直系慾火焚身咁。我一直跟住男神行，佢时慢时快，我真系好难跟得实。我又唔够胆行太近，费事被人发现搞到要坐监（被人暴力爆菊花）啦。终於，佢行左入一栋屋苑度。呢个屋苑听个名就已经知道高级过人，因为得英文名，好似叫YOHO唔识串。栋楼豪唔豪华唔系重点呀，重点系，呢啲地铁楼个门口有成队secure team系度守住呀，想跟都难啦系咪？
正当我打算走果阵，突然有个癫佬冲左入去个入口度，系咁系度叫「屌你老母呀，我屌你老母系」，所有既保安都冲晒过去抓住佢，我梗系把握呢个好时机冲入去啦，好彩无人发现我。
真系做戏都无咁顺利。我一直跟住男神，上到大堂再跟住一大堆出lift既人过埋第二关security check(去过地铁楼既你地应该知道我讲紧咩挂？）见住佢行入第2座，终於知道佢住第几座同睇到佢住第几楼。
但系弊！我唔记得今朝有essay要交，唉，无计啦，唯有返屋企做先。
～～～～～～～～～～～～～～～～～～～～～～～～～～～～～～～～～～～
一返到屋企，发觉对门仲开住，已经觉得奇怪啦。一入到去，见到我家姐情绪崩溃左咁喊，隔离应该系安慰紧佢既朋友。
我：「系咪又失恋呀，家姐？」我嘻嘻哈哈咁问佢。但佢可能嬲左我，所以无应我。
我：「家姐，我唔玩你啦，发生咩事呀？」佢依然系无应我。
朋友：「唔好咁啦，医生都话佢脱离左危险期啦。」
家姐：「但系醒返既机会得10%呢。」
朋友：「有10%好过0呀嘛。」
我家姐都唔知比咩反应佢朋友好，但佢都勉强收拾好心情，准备同佢朋友出门口。呢个时候，我先发现佢拎住既系我既衫裤鞋袜。
我：「去边呀家姐？」我家姐依然系无理我。
我唯有一直跟住佢地。佢地截左部的士，我都上埋去。「屯门医院丫唔该。」家姐讲。
唔怪得嬲啦，可能系男朋友出意外挂，我都系收下声先。
～～～～～～～～～～～～～～～～～～～～～～～～～～～～～～～～～～～
好快咁到左屯门医院後，我地一行三个人冲左去其中一间病房。我原本抱住八卦既心态去探病既，但系开左房门後我呆左。
因为
训系入面果个系我。