( 一) 试探
“出拳大力啲，马要再落低啲。罗柚 （tun部）趷高啲。要练好功夫就要加陪努力。” 张烈站在排成一行的师弟前大声喊话。
他是这间武馆的大师兄。师父已六十多岁，间中在馆中打点，大部分教拳工作都由张烈负责。
这点他却很乐意，因为他根本是个武痴。
张烈基本上以武馆为家，每天都练个超过十小时拳脚，木桩和各种兵器。
这里是在深水埗的唐楼。本是师父的家，後来师父搬去和家人住，就把这千尺单位打通装修成拳馆。
虽然是自置物业，每个月只象徵式交数千元给师父作零用，但仍要缴纳各种杂费。
师父说要以传扬国术为任，学费不能收得多。
近年拳馆竞争激烈，像他们这般低调的，生存实在很难。
这天张烈照样和最夜一班师弟练完功後，准备回家。
“大家有时间要勤力啲练习，尤其拉筋同紮马 呢啲系基本功，练好先会有成果。”
“系啦，大家要记住大师兄说话。而家执齐野就走啦。”二师弟程俊接说。
程俊在拳馆学拳大约三年，现在帮张烈手打点日常工作。
由於所有师兄弟各自忙於自己工作，或投向其他较大拳馆，现在只剩下程俊在帮手了。
俊 ： 师兄，你走先啦。我帮你执埋啲野删门。
烈 ： 唔使，我重练多阵。你有事走先啦。
俊 ： 咁我留喺度同你练多阵对拆吖！
烈 ： 咁乖？ 後生仔你无约人咩？
俊 ： 嗯 … 系呀 (鉴介地）
烈 ： 又去打黑市拳呀？ 打死无命赔喎。 好等钱使咩？
俊 ： 女友逼我结婚呀。我打份跟车又揾唔多。重成日俾佢呀妈睇死。
烈和俊一面对拆一面继续倾。
烈 ： 咁你打黑市揾得几多呀？
俊 ： 出赛收几千，嬴左收多几千咁啦。哎 ……
烈打在俊腰脇，俊猛然一缩并大叫。
烈 ： 乜事？ (捉住俊并掀开他的武装）
俊的腰部股骨位淤了一大片
烈 ： 打成咁，唔掂喎。我同你卒下药酒。
两人坐下，俊半侧卧给烈治理。
烈 ： 你咁唔掂?，未结婚命都无。
俊 ： 无计啦，礼金要下星期俾阿兰个阿妈啦。
烈 ： 你学艺未Jing，上台咪做拳粑！叫女友同你执屍就有份。
(烈一面包紮）
烈 ： 唉咁啦， 我帮你顶几场啦。
俊 ： 咁唔得喎，慢下手要你受伤。
烈 ： 你当我流架？我系七届南拳三甲呀。前年同上年重埋杯潻呀。你啲拳赛shi碎啦。
俊 ： 咁 … 我同佢地倾啦。
烈 ： 去食宵夜，我请。