Page.26﹒我的第一条CK底裤
心谂：「既然入左黎，咁就俾我周围摸下啦。」其实，我平时见倒梁 Sir 已经成日望住佢。佢笑起上黎，真系好好睇。
既然间房冇人（听唔倒有任何声），我就周围摸下啦。唔知梁 Sir 会唔会带 入 Camp 呢﹖希望唔会啦，如果唔系，破坏左我对佢的幻想。
我摸到个衣柜，不过入面冇衫。再摸落去，我摸到入厕所，冇咩特别，得牙膏、牙刷同冲凉用品。摸到呢度，我好想除左条朦眼布，但系一来惊俾人发现而被罚，二来就算俾人发现我乱摸野，我都可以扮唔知嘛。哈哈……
梁 Sir 间房好整齐，起码张台上面得 1 支水，冇其他野。我再摸，摸到佢张床，床上面有个背囊。个背囊开左，我忍唔住摸下入面有 D 咩，入面有几件衫、 2 条裤，仲有底裤添。原来梁 Sir 锺意着粗橡筋边的三角底裤，真系好想睇下系咩色。唔知我手拿住的系着过未呢﹖
突然之间，「砰……砰……」死……有人入黎﹗
我好惊，仲吓到将梁 Sir 条底裤袋左入我裤袋，惊到冷汗都标晒出黎。再细心听一听， D 砰砰声响过唔停，所以我觉得入黎的都系朦眼的人 。心谂：「好彩。」
真系自然反应，我一路惊，一路听，仲一路搵路走，行下行下我就行左出去。心谂：「大获﹗拿左梁 Sir 条底裤，冇放番入去个背囊添。」我只右手即刻放入右裤袋内，系咁塞入去，因为我好惊条底裤凸左出黎。初时，我都有谂过不如入番去，放番入背囊。不过，既然我个人出左黎，入番去又要重新摸一轮，所以有机会入错房。就算入到梁Sir 间房，又有机会辨认错其他野。仲有，再放番入去时，被人发现的机会又会大 D 。
既然有其他选择，我就继续搵张 Sir 间房。入到房，好似好多人咁，因为好多声音，包括：鼓声、三角铁声等其他乐器声。
「新入黎的人行去厕所那边，再在厕所门上取一张贴在门上的Memo纸。之後，过黎我呢面，即系床边。」张 Sir讲野。
我就摸到去厕所，再取了一张Memo纸。跟着又行去张 Sir 度， 俾左张纸佢 。
「你宜家要在此箱取一样食物食左佢。」张 Sir 又讲野。
我一放只手入去，我好放心，因为全部都系糖。抽左一粒出黎，我就擦开放入口。心谂：「哗﹗仆街﹗好酸呀﹗」由於我唔可以出声，所以我系咁拍旁边的台。
之後，张 Sir 俾左张纸我。我谂呢张野就系张地图，但系我点睇呢﹖再摸真 D ，我发现上面有 D 胶纸，而 D 胶纸好似代表一 D 野。就系咁，我就离开左张 Sir 间房。
张地图应该系 Camp Site 的平面图，上面仲有一个孔。我谂个孔就系我下一个目的地，於是乎我就跟住个地图摸过去目的地。中间又上楼梯，又落楼梯；又上斜，又落斜，行下行下，真系唔系好知行左去边。忽然间，有人捉住我只手……
佢系咁捉住我摸，成只手都系汗。我谂佢系其中一个朦眼人，所以冇理到佢，我就继续行。行下行下，我谂我确定倒方向，因为我搵倒我想去的厕所。既然去到厕所，我就痾埋尿同洗埋手。
入到厕所，我听唔倒有任何杂声，所以我入左其中一个厕格，仲锁左门。目的梗系解左条朦眼布，拿梁 Sir 条底裤黎睇下啦。原来系 CK 中码黑色高叉三角底裤，好 Sexy 呀，D 质地唔错。梁 Sir 应该未着，因为成条都好乾净。呢一刻，我好想试下条底裤添，因为我真系未着过 CK 底裤。（中学时代系阿妈帮我买底裤）
上一篇：Page.25﹒CAMP SITE里的
下一篇：Page.27﹒救命呀